പട്ടികജാതിയില്‍ പെട്ട തൊഴില്‍രഹിതര്‍ക്ക് ഓട്ടോ ടാക്‌സി വാങ്ങാന്‍ ധനസഹായം അനുവദിക്കുന്നു. 18നും 50 നുമിടയില്‍ പ്രായമുള്ളവര്‍ക്ക് അപേക്ഷിക്കാം. വാര്‍ഷിക വരുമാനം ഗ്രാമപ്രദേശങ്ങളില്‍ 98000 രൂപയും നഗരങ്ങളില്‍ 1,20,000 രൂപയും ആണ്. അപേക്ഷകര്‍ക്ക് ഓട്ടോ ടാക്‌സി ഓടിക്കാനുള്ള ലൈസന്‍സും ബാഡ്ജും ഉണ്ടായിരിക്കണം. പരമാവധി 3.70 ലക്ഷം രൂപയാണ് ലഭിക്കുക. തുക ആറ് ശതമാനം പലിശ നിരക്കില്‍ അഞ്ച് വര്‍ഷം കൊണ്ട് തിരിച്ചടക്കണം. കൂടുതല്‍ വിവരങ്ങള്‍ക്ക് ഫോണ്‍ പട്ടികജാതി - വര്‍ഗ വികസന കോര്‍പറേഷന്‍ ജില്ലാ ഓഫീസ് 0483 2731496, സബ് ഓഫീസ് വണ്ടൂര്‍ 04931 246644

പുനരുദ്ധരണ പ്രവൃത്തികള്‍ നടക്കുന്നതിനാല്‍ വടക്കെപറമ്പ്-പോത്തുവെട്ടിപ്പാറ-മുണ്ടക്കുളം റോഡിലൂടെ ഗതാഗതം നിരോധിച്ചു. മുതുപറമ്പ് ഭാഗത്ത് നിന്നും വരുന്ന വാഹനങ്ങള്‍ എടമ്പാട്ടു വഴി മൂച്ചിക്കലിലേക്കും മുണ്ടംകുളത്തു നിന്നും വരുന്ന വാഹനങ്ങള്‍ മൂച്ചിക്കല്‍ മുതുപറമ്പ് വഴിയും തിരിഞ്ഞ് പോകണം.

സംസ്ഥാന സാക്ഷരാത മിഷന്‍ നടത്തുന്ന നാലാംതരം തുല്യതാ പരീക്ഷ നവംബര്‍ 26ന് നടക്കും. രാവിലെ 10നാണ് പരീക്ഷ തുടങ്ങുക. മലയാളം, നമ്മളും നമുക്ക് ചുറ്റും, കണക്ക് വിഷയങ്ങള്‍ക്ക് എഴുത്ത് പരീക്ഷയും ഇംഗ്ലീഷില്‍ വാചക പരീക്ഷയുമാണുള്ളത്.
24 പരീക്ഷ കേന്ദ്രങ്ങളിലായി 314 പഠിതാക്കളാണ് പരീക്ഷ എഴുതുന്നത്. പരീക്ഷയുടെ ജില്ലാതല ഉദ്ഘാടനം പരപ്പനങ്ങാടി ജിഎല്‍പി സ്‌കൂളില്‍ പികെ അബ്ദുറബ്ബ് എംഎല്‍എ നിര്‍വഹിക്കും. ജില്ലാ പഞ്ചായത്ത് പ്രസിഡന്റ് എപി ഉണ്ണികൃഷ്ണന്‍ അധ്യക്ഷനാവും.

സംസ്ഥാന പട്ടികവര്‍ഗ-ജാതി വികസന വകുപ്പിന്റെ നേതൃത്വത്തില്‍ നടത്തുന്ന 'ഗദ്ധിക 2017' ഈ വര്‍ഷം പൊന്നാനിയില്‍ നടക്കും. പരിപാടിയുടെ സംഘാടക സമിതി യോഗം ഡിസംബര്‍ ഒന്നിന് ഉച്ചയ്ക്ക് 3.30ന് ജില്ലാ കലക്ടറുടെ ചേംബറില്‍ ചേരും.

മലമ്പുഴ മൃഗസംരക്ഷണ   പരിശീലന കേന്ദ്രത്തില്‍ നവംബര്‍ 29, 30 തീയതികളില്‍ മുയല്‍ വളര്‍ത്തലില്‍ സൗജന്യ പരിശീലനം നല്‍കും. താല്‍പര്യമുളളവര്‍ നേരിട്ടോ ഫോണ്‍ മുഖേനയോ പേര് രജിസ്റ്റര്‍ ചെയ്യണം. ഫോണ്‍   0491 - 2815454,

ജില്ലയിലെ വിവിധ റോഡുകളുടെ പ്രവരൃത്തി ഉദ്ഘാടനം ഇന്ന് (നവംബര്‍ 26) പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും. നാടുകാണി-മഞ്ചേരി-പരപ്പനങ്ങാടി റോഡിന്റെയും  മലപ്പുറം - കോട്ടപ്പടി - വലിയങ്ങാടി ബൈപാസിന്റെയും പ്രവൃത്തി ഉദ്ഘാടനം രാവിലെ 9.30ന് കിഴക്കേത്തലയില്‍ മന്ത്രി നിര്‍വഹിക്കും.  പി ഉബൈദുള്ള എംഎല്‍എ അധ്യക്ഷനാവും. മന്ത്രി കെടി ജലീല്‍, എം പി മാരായ പികെ കുഞ്ഞാലിക്കുട്ടി, എം ഐ ഷാനവാസ് എന്നിവര്‍ പങ്കെടുക്കും.
 

ജില്ലയിലെ അങ്കണവാടികളുടെ വൈദ്യുതീകരണം ജനുവരി 15 നകം പൂര്‍ത്തിയാക്കാന്‍ ജില്ലാവികസന സമിതി നിര്‍ദ്ദശം നല്‍കി. 126 അങ്കണവാടികള്‍ ജില്ലയില്‍ വൈദ്യുതീകരിച്ചിട്ടില്ല. 32 അങ്കണവാടികള്‍ വൈദ്യുതീകരിക്കുന്നതിനുള്ള ഫണ്ട് ജില്ലാ പഞ്ചായത്ത് അനുവദിക്കുമെന്ന് ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ പറഞ്ഞു. തിരൂരില്‍ പൊതുമരാത്ത് വകുപ്പിന്റെ കീഴിലുള്ള സ്ഥലത്ത് നിര്‍മ്മിച്ച ശുചിമുറിക്ക്  കെട്ടിട നമ്പര്‍ നല്‍കിയില്ലെന്നും അതെസമയം മറ്റ് സ്വകാര്യകെട്ടിടങ്ങള്‍ ക്രമവല്‍കരിച്ച് നല്‍കിയതായും സി. മമ്മുട്ടി എം എല്‍ എ പറഞ്ഞു.

സംസ്ഥാനത്ത് ഗ്രാമീണ കാര്‍ഷികച്ചന്തകള്‍ക്ക് തുടക്കമായി
കാര്‍ഷികകേരളത്തിന് ഉണര്‍വ് പകര്‍ന്ന് ഗ്രാമീണ കാര്‍ഷിക ചന്തകള്‍ക്ക് സംസ്ഥാനത്ത് തുടക്കമായി. തദ്ദേശ സ്വയംഭരണവകുപ്പു മന്ത്രി ഡോ. കെ.ടി ജലീലിന്റെ അധ്യക്ഷതയില്‍ കൃഷി മന്ത്രി വി.എസ് സുനില്‍ കുമാര്‍ കാര്‍ഷിക ചന്തയുടെ സംസ്ഥാനതല ഉദ്ഘാടനം മലപ്പുറം ജില്ലയിലെ എടപ്പാളില്‍ നിര്‍വഹിച്ചു. 400 ഗ്രാമച്ചന്തകളാണ് ഇന്നലെ (നവം.25) സംസ്ഥാനത്ത് ആരംഭിച്ചത്.