അക്ഷയ പദ്ധതിയുടെ 15-ാം വാര്‍ഷികത്തോടനുബന്ധിച്ച് ഇന്ന് (നവംബര്‍ 23) കോട്ടത്തറ ഗവ.ട്രൈബല്‍ സ്പെഷാലിറ്റി ഹോസ്പിറ്റലില്‍ നവജാതശിശുക്കളുടെ ആധാര്‍ എന്‍റോള്‍മെന്‍റ് നടത്തും. ഇന്ന് ജനിക്കുന്ന കുട്ടുകള്‍ക്കാണ്  അക്ഷയാ ജില്ലാ ഓഫീസിന്‍റെ നേതൃത്വത്തില്‍ എന്‍റോള്‍മെന്‍റ് നടത്തുകയെന്ന് അക്ഷയ ജില്ലാ പ്രൊജക്ട് മാനെജര്‍ ദേവി.എസ്.നാഥ് അറിയിച്ചു.  കുട്ടികളുടെ ജനന സര്‍ട്ടിഫിക്കറ്റും രക്ഷിതാവിന്‍റെ ആധാര്‍ കാര്‍ഡും ഉപയോഗിച്ചാണ് കുട്ടിക്ക് ആധാര്‍ ലഭ്യമാക്കുന്നത്. 

    ഗ്രാമപ്രദേശങ്ങളില്‍ 25 ലക്ഷത്തില്‍ താഴെയുള്ള മുതല്‍ മുടക്കില്‍ സംരഭങ്ങള്‍ തുടങ്ങുന്നതിന് 35 ശതമാനം വരെ സബ്സിഡിയോടെയുള്ള വായ്പാ പദ്ധതിക്ക് അപേക്ഷ ക്ഷണിച്ചു. പ്രധാനമന്ത്രി തൊഴില്‍ദാന പദ്ധതിയായ പി.എം.ഇ.ജി.പി പ്രകാരമാണ് വായ്പ ലഭിക്കുക. 
    സംസ്ഥാന സര്‍ക്കാരിന്‍റെ പ്രത്യേക തൊഴില്‍ദാന പദ്ധതിയായ എസ്.ഇ.ജി.പി (എന്‍റെ ഗ്രാമം) പദ്ധതിയില്‍ അഞ്ച് ലക്ഷം വരെയുള്ള വായ്പയ്ക്കും അപേക്ഷിക്കാം. ഫോണ്‍ : 0491 2534392.

    ഒലവക്കോട് സബ് രജിസ്ട്രാര്‍     ഓഫീസില്‍ രജിസ്ട്രേഷന്‍ സമയത്ത് വില കുറച്ച് രജിസ്റ്റര്‍ ചെയ്യുകയും അണ്ടര്‍ വാലുവേഷന്‍ നടപടികളില്‍ റവന്യൂ റിക്കവറി നേരിടുന്നവര്‍ക്ക്     അദാലത്ത് നടത്തും. നവംബര്‍ 24ന് ഒലവക്കോട് സബ് രജിസ്ട്രാര്‍ ഓഫീസില്‍ നടത്തുന്ന അദാലത്ത് പ്രയോജനപ്പെടുത്തി റവന്യു റിക്കവറി നടപടികളില്‍ നിന്ന് ഒഴിവാകാമെന്ന് ജില്ലാ രജിസ്ട്രാര്‍ (ജനറല്‍) അറിയിച്ചു.