ജസ്റ്റിസ് പി.എന്‍ രവീന്ദ്രന്‍ പ്രസിഡന്റായി ഏഴംഗ റൂള്‍ കമ്മിറ്റി പുന:സംഘടിപ്പിച്ച് ഹൈക്കോടതി വിജ്ഞാപനം പുറപ്പെടുവിച്ചു.

പി.എന്‍.എക്‌സ്.5048/17

വിദേശ രാജ്യങ്ങളില്‍ നിന്നും എം.ഡി.ഫിസിഷ്യന്‍ മെഡിക്കല്‍ ബിരുദം നേടിയ ഡോക്ടര്‍മാര്‍ രജിസ്‌ട്രേഷന്‍ സര്‍ട്ടിഫിക്കറ്റില്‍ എം.ഡി.ഫിസിഷ്യന്‍ (ഇന്ത്യയിലെ എം.ബി.ബി.എസിനു തത്തുല്യം) ചേര്‍ത്തിട്ടുണ്ടോ എന്ന് ഉറപ്പുവരുത്തണമെന്നും ബോര്‍ഡിലും അപ്രകാരമേ പ്രദര്‍ശിപ്പിക്കാവൂ എന്നും  ട്രാവന്‍കൂര്‍ -കൊച്ചിന്‍ മെഡിക്കല്‍ കൗണ്‍സില്‍സ് രജിസ്ട്രാര്‍ അറിയിച്ചു.   വിരുദ്ധമായി പ്രവര്‍ത്തിക്കുന്ന ഡോക്ടര്‍മാര്‍ക്കെതിരെ അച്ചടക്ക നടപടി സ്വീകരിക്കും.

* അവയവദാതാക്കള്‍ക്കും കുടുംബാംഗങ്ങള്‍ക്കും കേരളത്തിന്റെ ആദരം

സര്‍ക്കാര്‍ മെഡിക്കല്‍ കോളേജുകളിലെ അവയവം മാറ്റിവെക്കല്‍ ശസ്ത്രക്രിയാ സൗകര്യങ്ങള്‍ വിപുലപ്പെടുത്തുമെന്ന് മുഖ്യമന്ത്രി പിണറായി വിജയന്‍ അറിയിച്ചു. 'മൃതസഞ്ജീവനി' പദ്ധതിയുടെ ഭാഗമായി അവയവദാതാക്കളെ അനുസ്മരിക്കാനും കുടുംബാംഗങ്ങളെ ആദരിക്കാനും സംഘടിപ്പിച്ച ചടങ്ങ് ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം. 

യുവാക്കളെയും വിദ്യാര്‍ത്ഥികളെയും ലഹരി ഉപയോഗത്തില്‍ നിന്ന് മോചിപ്പിക്കുന്നതിന് എന്‍. സി. സി കൂടുതല്‍ പദ്ധതികളും പരിശീലന പരിപാടികളും ആവിഷ്‌കരിക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ നടന്ന എന്‍. സി. സി വാര്‍ഷികാഘോഷം ഉദ്ഘാടനം ചെയ്യുകയായിരുന്നു. 

വിദ്യാഭ്യാസ വകുപ്പിന് കീഴിലുള്ള കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) കലാലയ മികവുകള്‍ കണ്ടെത്താനും പങ്ക് വയ്ക്കുന്നതിനുമായി സംഘടിപ്പിക്കുന്ന ഹരിതവിദ്യാലയം വിദ്യാഭ്യാസ റിയാലിറ്റി ഷോയുടെ സ്വിച്ച് ഓണ്‍ കര്‍മ്മം വിദ്യാഭ്യാസ വകുപ്പുമന്ത്രി പ്രെഫ. സി. രവീന്ദ്രനാഥ് ഇന്ന് (നവംബര്‍ 28) രാവിലെ 9.30 ന് തിരുവല്ലം കെ.എസ്.എഫ്.ഡി.സിയുടെ ചിത്രാഞ്ജലി സ്റ്റുഡിയോയില്‍ നിര്‍വഹിക്കും.  ഡിസംബര്‍ നാലുമുതലാണ് ഹരിതവിദ്യാലയം ദൂരദര്‍ശനിലും വിക്ടേഴ്‌സ് ചാനലിലും സംപ്രേഷണം ആരംഭിക്കുന്നത്.

പി.എന്‍.എക്‌സ്.5044/17

സംസ്ഥാന സഹകരണ യൂണിയന്‍ നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റല്‍ (കിക്മ) സൗജന്യമായി നടത്തുന്ന മൂന്ന് മാസത്തെ ജൂനിയര്‍ മാര്‍ക്കറ്റിംഗ് അസോസിയേറ്റ്, അക്കൗണ്ടിംഗ് അസിസ്റ്റന്റ് വിത്ത് ടാലി, അക്കൗണ്ടിംഗ് എന്നീ റസിഡന്‍ഷ്യല്‍ കോഴ്‌സുകളിലേക്ക് നവംബര്‍ 29ന് രാവിലെ 11ന് കിക്മ ക്യാമ്പസില്‍ ഇന്റര്‍വ്യൂ നടത്തും.  പ്ലസ്ടു ആണ് അടിസ്ഥാന യോഗ്യത.  18നും 35നും മധ്യേ പ്രായമുളളവര്‍ക്ക് പങ്കെടുക്കാം.  അപേക്ഷകള്‍ കിക്മ വെബ്‌സൈറ്റിലും (www.kicmakerala.in) നെയ്യാര്‍ഡാമിലുളള കിക്മ ഓഫീസിലും ലഭിക്കും.  നേരത്തെ അപേക്ഷ സമര്‍പ്പിക്കാത്ത മേല്‍ പറഞ്ഞ യോഗ്യതയുളള വിദ്യാര്‍ത്ഥികള്‍ക്കും  ഇന

ഡിസംബര്‍ ഒന്നിന് നോര്‍ക്കയുടെ തിരുവനന്തപുരത്തുള്ള  സെന്ററില്‍ സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടാവില്ല.

പി.എന്‍.എക്‌സ്.5042/17

പന്ത്രണ്ടു മുതല്‍ 30 വയസ്സുവരെ പ്രായപരിധിയിലുള്ളവര്‍ക്ക് മുഖക്കുരുവിന് തിരുവനന്തപുരം ഗവ: ആയുര്‍വേദ കോളേജിലെ ഒന്നാം നമ്പര്‍ ഒ.പി യില്‍ ചൊവ്വ, വെള്ളി, ശനി ദിവസങ്ങളില്‍ രാവിലെ എട്ടു മുതല്‍ 12.30 വരെ ഗവേഷണാടിസ്ഥാനത്തില്‍ ചികിത്സ ലഭ്യമാണ്. രജിസ്‌ട്രേഷനും വിശദവിവരങ്ങള്‍ക്കും:  9947476047.

പി.എന്‍.എക്‌സ്.5041/17

കേരളത്തിലെ എംപ്ലോയ്‌മെന്റ് എക്‌സ്‌ചേഞ്ചുകളില്‍ രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികളുടെ 2018-2020 കാലയളവില്‍ വിവിധ ഒഴിവുകളിലേക്ക് നാമനിര്‍ദേശം നല്‍കുന്നതിനുള്ള സീനിയോറിറ്റി ലിസ്റ്റ് പ്രസിദ്ധീകരിച്ചു. ഉദ്യോഗാര്‍ത്ഥികള്‍ക്ക് ലിസ്റ്റുകള്‍ ഓണ്‍ലൈനായും ഓഫീസുകളില്‍ നേരിട്ടും പരിശോധിക്കുന്നതിനും ആക്ഷേപങ്ങള്‍ ഉന്നയിക്കുന്നതിനും ഡിസംബര്‍ 12 വരെ അവസരമുണ്ട്.

കാലിക്കറ്റ് സര്‍വകലാശാല അറബിക് വിഭാഗം തലവനും വിദൂര വിദ്യാഭ്യാസ കേന്ദ്രം ഡയറക്ടറുമായി ഡോ: എ.ബി മൊയ്തീന്‍കുട്ടി ന്യൂനപക്ഷ ക്ഷേമ വകുപ്പ് ഡയറക്ടറായി ചുമതലയേറ്റു.

പി.എന്‍.എക്‌സ്.5039/17