കൊച്ചി: രാത്രികാല ട്രോളിംഗ് നിരോധിച്ചത് എന്തിന്?  മത്സ്യങ്ങള്‍ വലയിലേക്ക് ആകര്‍ഷിക്കപെടുന്നത് എങ്ങിനെ? , ഗോസ്റ്റ്ഫിഷിങ് എന്നാലെന്താണ്? ചോദ്യങ്ങള്‍ അനവധി ആയിരുന്നു. കാര്‍ഷിക വിദ്യാഭ്യാസ ദിനാചരണത്തിന്റെ ഭാഗമായി സെന്‍ട്രല്‍ ഇന്‍സ്റ്റിറ്റിയൂട്ട് ഓഫ് ഫിഷറീസ് ടെക്‌നോളജി സന്ദര്‍ശിച്ച വിദ്യാര്‍ത്ഥികളായിരുന്നു ചോദ്യകര്‍ത്താക്കള്‍. ഫിഷിങ് ടെക്‌നോളജി വിഭാഗം പ്രിന്‍സിപ്പല്‍ സയന്റിസ്റ്റ് ഡോ. സാലി തോമസ് വിദ്യാര്‍ത്ഥികളുടെ ചോദ്യങ്ങള്‍ക്ക് മറുപടി നല്‍കി.,

കൊച്ചി: ഇ-വേ ബില്ല് എടുക്കുന്നത് സംബന്ധിച്ച് ആലുവയില്‍ പരിശീലന ക്ലാസ് സംഘടിപ്പിക്കുന്നു. സംസ്ഥാന ചരക്ക് സേവന നികുതി ഓഫീസുകളുടെ ആഭിമുഖ്യത്തില്‍ ഇന്ന് (ഡിസംബര്‍ 5) വൈകിട്ട് മൂന്നിന് ഹോട്ടല്‍ മഹനാമി ഓഡിറ്റോറിയത്തില്‍ ചരക്ക് നീക്കത്തിന് ആവശ്യമായ ഇ-വേ ബില്ല് എടുക്കുന്നത് സംബന്ധിച്ച് വ്യാപാരികള്‍ക്കും കണ്‍സള്‍ട്ടന്റുമാര്‍ക്കും പരിശീലനം നല്‍കുന്നു. പരിശീലന ക്ലാസ് പ്രയോജനപ്പെടുത്തുവാന്‍ എല്ലാവരും കൃത്യസമയത്ത് എത്തിച്ചേരണമെന്ന് ആലുവ സംസ്ഥാന നികുതി ഓഫീസര്‍ അറിയിച്ചു.

കൊച്ചി: ഈ സാമ്പത്തിക വര്‍ഷത്തെ രണ്ടാം വിളയുടെ നെല്ല് സംഭരണവുമായി ബന്ധപ്പെട്ട് കര്‍ഷകര്‍ക്ക് ഇന്ന് (ഡിസംബര്‍ 5) മുതല്‍ സപ്ലൈകോയില്‍ പേര് രജിസ്റ്റര്‍ ചെയ്യാം. www.supplycopaddy.in എന്ന വെബ്‌സൈറ്റ് മുഖേനയാണ് രജിസ്‌ട്രേഷന്‍ നടത്തേണ്ടതെന്ന് സപ്ലൈകോ നെല്ല് സംഭരണ വിഭാഗം മാനേജര്‍ അറിയിച്ചു.

കൊച്ചി: പബ്ലിക് സര്‍വീസ് കമ്മീഷന്റെ വജ്ര ജൂബിലി ആഘോഷങ്ങളുടെ ഭാഗമായി ജില്ലയിലെ അക്ഷയ കേന്ദ്രം ജീവനക്കാര്‍ക്കായി ഡിസംബര്‍ ഒന്നിന് രാവിലെ 10-ന് കാക്കനാട് കളക്ടറെറ്റ് കോണ്‍ഫറന്‍സ് ഹാളില്‍ നടത്തുവാന്‍ നിശ്ചയിച്ചിരുന്ന ഒറ്റത്തവണ രജിസ്‌ട്രേഷനിലുളള ഏകദിന പരിസീലനം ഡിസംബര്‍ 22-ന് കാക്കനാടുളള ജില്ലാ പ്ലാനിംഗ് ഓഫീസ് കോണ്‍ഫറന്‍സ് ഹാളിലേക്ക്  മാറ്റി.

കൊച്ചി: എറണാകുളം എക്‌സൈസ് ഡിവിഷനിലെ വിവിധ അബ്കാരി കേസുകളില്‍ ഉള്‍പ്പെട്ടിട്ടുളളതും സര്‍ക്കാരിലേക്ക് കണ്ടുകെട്ടിയതുമായ കാര്‍-രണ്ട്, ഓട്ടോറിക്ഷ-നാല്, മോട്ടോര്‍ സൈക്കിള്‍-ഏഴ്, പിക്അപ് വാന്‍-ഒന്ന്, മിനിട്രക്ക്-ഒന്ന്, സ്‌കൂട്ടര്‍-നാല് എന്നീ വാഹനങ്ങള്‍ എറണാകുളം എക്‌സൈസ് ഡപ്യൂട്ടി കമ്മീഷണര്‍ നിലവിലുളള ലേല വ്യവസ്ഥകള്‍ക്കു വിധേയമായി ഡിസംബര്‍ അഞ്ചിന് രാവിലെ 11-ന് മാമല എക്‌സെസ് റെയിഞ്ച് ഓഫീസില്‍ (ഫോണ്‍ 0484- 2786848) പരസ്യമായി ലേലം ചെയ്യും. ലേല നിബന്ധനകളും മറ്റു വിവരങ്ങളും എറണാകുളം എക്‌സൈസ് ഡപ്യൂട്ടീ കമ്മീഷണര്‍ ഓഫീസില്‍ നിന്നോ ജില്ലയിലെ മറ്റ് എക്‌സൈസ് ഓഫീസുകളില്‍ നിന്നോ ലഭ്യമായിരിക്കും.

കൊച്ചി: സംസ്ഥാന പട്ടികജാതി/വര്‍ഗ വികസന കോര്‍പറേഷന്‍ നടപ്പിലാക്കുന്ന സ്വയം തൊഴില്‍ (50,000-10,00,000 രൂപ വരെ) പെണ്‍കുട്ടികളുടെ വിവാഹം, വിദ്യാഭ്യാസം, കമ്പ്യൂട്ടര്‍, പാസഞ്ചര്‍, ഓട്ടോ ടാക്‌സി ആന്റ് ഗുഡ്‌സ് ഓട്ടോറിക്ഷ തുടങ്ങിയ വായ്പാ പദ്ധതികളിലേക്ക് ജില്ലയിലെ 18 നും 50 നും (വിവാഹ വായ്പ ഒഴികെ) ഇടയില്‍ പ്രായമുളള പട്ടികജാതി/വര്‍ഗ വിഭാഗത്തില്‍പ്പെട്ടവരില്‍ നിന്ന് അപേക്ഷ ക്ഷണിച്ചു. അപേക്ഷകര്‍ കുടുംബ വാര്‍ഷിക വരുമാനം 3,50,000 (വിവാഹ വായ്പ ഒഴികെ) രൂപയില്‍ കവിയാത്തവര്‍ ആയിരിക്കണം. വിവാഹ വായ്പയ്ക്ക് അപേക്ഷിക്കുന്നതിനു പ്രായ പരിധി 65 വയസിലും കുടുംബ വാര്‍ഷിക വരുമാനം 2,00,000 രൂപയിലും താഴെയായിരിക്കണം.

കൊച്ചി: ചരക്ക് സേവന നികുതി വകുപ്പ് ഡിസംബര്‍ മുതല്‍ ഇ-വെ നടപ്പിലാക്കുന്നതിന്റെ ഭാഗമായി വ്യാപാരി/വ്യവസായികള്‍, ട്രാന്‍സ്‌പോര്‍ട്ടര്‍മാര്‍, പ്രാക്ടീഷണര്‍മാര്‍, വ്യാപാര സംഘടനകള്‍ മുതലായവര്‍ക്കായി ഇ-വേ ബില്‍ സമ്പ്രദായത്തെ കുറിച്ച് അവബോധം നല്‍കുന്നതിനായി വാണിജ്യ നികുതി വകുപ്പിന്റെ ആഭിമുഖ്യത്തിലുള്ള ക്ലാസ് ഇന്ന് (ഡിസംബര്‍ അഞ്ചിന്) രാവിലെ 11-ന് മൂവാറ്റുപുഴ മിനി സിവില്‍ സ്റ്റേഷന്‍ ഹാളിലും ഉച്ചകഴിഞ്ഞ് മൂന്നു മുതല്‍ ആലുവ, ഹോട്ടല്‍ മഹാനാമി ഹാളിലും നടക്കും. 

കൊച്ചി: കേരള തീരത്ത് അടുത്ത 24 മണിക്കൂറിനുളളില്‍ 45 കി.മീ മുതല്‍ 65 കി.മീ വരെ വേഗതയുളള ശക്തമായ കാറ്റ് വീശാന്‍ സാദ്ധ്യതയുളളതായി കാലാവസ്ഥാ മുന്നറിയിപ്പുളളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്ന് ഫിഷറീസ് ഡപ്യൂട്ടി ഡയറക്ടര്‍ (മേഖല) എറണാകുളം ജാഗ്രതാ നിര്‍ദ്ദേശം നല്‍കി.

കൊച്ചി: എം.ബി.എ എന്‍ട്രന്‍സ് പരീക്ഷയ്ക്ക് തയാറെടുക്കുന്നവര്‍ക്ക് കൊച്ചിന്‍ യൂണിവേഴ്‌സിറ്റി എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് ഗൈഡന്‍സ് ബ്യൂറോ പരിശീലന പരിപാടി ആരംഭിക്കുന്നു. അവധിദിങ്ങളിലായി നടത്തുന്ന ക്ലാസുകളില്‍ പങ്കെടുക്കുവാന്‍ താത്പര്യമുളളവര്‍ എത്രയും വേഗം ഓഫീസുമായി ബന്ധപ്പെട്ട് പേര് രജിസ്റ്റര്‍ ചെയ്യണം. ഫോണ്‍ 0484-2576756.