കാറ്റിലും മഴയിലും കടല്‍ക്ഷോഭത്തില്‍നിന്ന് രക്ഷപ്പെട്ട് ചികിത്‌സയിലുള്ളവരെ ആരോഗ്യമന്ത്രി കെ.കെ. ശൈലജ ടീച്ചര്‍ സന്ദര്‍ശിച്ചു. ജനറല്‍ ആശുപത്രിയില്‍ ചികില്‍സയിലുള്ളവരെയാണ് മന്ത്രി സന്ദര്‍ശിച്ച് പ്രശ്‌നങ്ങള്‍ ചോദിച്ചറിഞ്ഞത്.

ആശുപത്രിയിലുള്ളവര്‍ക്ക് ആവശ്യമായ ചികിത്‌സ ലഭ്യമാക്കുമെന്ന് മന്ത്രി അറിയിച്ചു. വള്ളം മറിഞ്ഞ് അപകടത്തില്‍പ്പെട്ട് ചതവും പരിക്കുമുള്ളവരാണ് ചികിത്‌സയിലുള്ളവരില്‍ കൂടുതല്‍. 67 പേരാണ് ജനറല്‍ ആശുപത്രിയില്‍ ചികിത്‌സയിലുള്ളത്. ഇന്നലെ 11 പേരാണ് ചികിത്‌സയിലെത്തിയത്. അപകടത്തിന്റെ മാനസികസമ്മര്‍ദ്ദത്തിലുള്ളവര്‍ക്ക് കൗണ്‍സലിംഗ് നല്‍കും.

ലോക മണ്ണ് ദിനാചരണത്തിന്റെ സംസ്ഥാനതല ഉദ്ഘാടനം ഇന്ന് (ഡിസംബര്‍ അഞ്ച്) മുഖ്യമന്ത്രി പിണറായി വിജയന്‍ നിര്‍വഹിക്കും. മണ്ണ് പര്യവേക്ഷണ മണ്ണ് സംരക്ഷണ വകുപ്പിന്റെ ആഭിമുഖ്യത്തില്‍ കനകക്കുന്ന് കൊട്ടാരത്തില്‍ രാവിലെ 10ന് നടക്കുന്ന ചടങ്ങില്‍ കൃഷിമന്ത്രി വി.എസ്. സുനില്‍കുമാര്‍ അധ്യക്ഷത വഹിക്കും.

ഭരണ പരിഷ്‌കാര കമ്മീഷന്‍ പൊതുജനാഭിപ്രായം തേടുന്നതിന്റെ ഭാഗമായി സ്ത്രീകളുടേയും കുട്ടികളുടേയും ക്ഷേമം സംബന്ധിച്ച വിഷയത്തില്‍ ഇന്ന് (ഡിസംബര്‍ 5) 'കേഴ്‌വിക്കൂട്ടം' നടത്തും. രാവിലെ 10ന് ചന്ദ്രശേഖരന്‍ നായര്‍ സ്‌റ്റേഡിയത്തിലെ ഒളിമ്പ്യ ഓഡിറ്റോറിയത്തിലാണ് കമ്മീഷന്‍ അധ്യക്ഷന്‍ വി.എസ്. അച്യുതാനന്ദന്റെ നേതൃത്വത്തില്‍ സിറ്റിംഗ്. 

പൊതുജനങ്ങള്‍, പൊതുപ്രവര്‍ത്തകര്‍, വിഷയം സംബന്ധിച്ച് താത്പര്യമുള്ള സംഘടനകള്‍ തുടങ്ങിയവര്‍ക്ക് പങ്കെടുത്ത് അഭിപ്രായങ്ങളും നിര്‍ദേശങ്ങളും നേരിട്ടും എഴുതിയും നല്‍കാം.

പി.എന്‍.എക്‌സ്.5188/17

പ്രകൃതിക്ഷോഭത്തെ തുടര്‍ന്ന് കടലില്‍ അകപ്പെട്ടവര്‍ക്കായി എയര്‍ഫോഴ്‌സ് ഇന്നും (ഡിസംബര്‍5) തിരച്ചില്‍ തുടരും. ഇന്നലെ മത്‌സ്യത്തൊഴിലാളികളെക്കൂടി ഉള്‍പ്പെടുത്തി എയര്‍ഫോഴ്‌സിന്റെ ഹെലികോപ്റ്ററുകള്‍ തിരച്ചില്‍ നടത്തിയിരുന്നു. 

നോര്‍ക്ക റൂട്ട്‌സില്‍ പബ്ലിക് റിലേഷന്‍സ് ഓഫീസറായ  വിവര പൊതുജന സമ്പര്‍ക്ക വകുപ്പിലെ ഡെപ്യൂട്ടി ഡയറക്ടര്‍   ആര്‍. വേണുഗോപാലിനെ ബാലാവകാശ കമ്മീഷന്റെ പബ്ലിക് റിലേഷന്‍സ് ഓഫീസറായി നിയമിച്ചു. ഈ തസ്തികയില്‍ പ്രവര്‍ത്തിച്ചിരുന്ന ഡെപ്യൂട്ടി ഡയറക്ടര്‍  വി.പി.പ്രമോദ്കുമാറിനെ നോര്‍ക്ക റൂട്ട്‌സിലെ പബ്ലിക് റിലേഷന്‍സ് ഓഫീസര്‍ തസ്തികയിലും  അന്യത്ര സേവന വ്യവസ്ഥയില്‍ ഒരു വര്‍ഷത്തേക്ക് നിയമിച്ച് ഉത്തരവായി.

പി.എന്‍.എക്‌സ്.5186/17

ജില്ലാ പദ്ധതി രൂപീകരണത്തിന്റെ ഭാഗമായി എല്ലാ ജില്ലകളിലും തദ്ദേശഭരണ സ്ഥാപനങ്ങളില്‍ ബ്ലോക്ക് അടിസ്ഥാനത്തിലോ ജില്ലാ അടിസ്ഥാനത്തിലോ ഏകോപിത പ്രൊജക്ടുകള്‍ തയ്യാറാക്കണമെന്ന് മുഖ്യമന്ത്രി പിണറായി വിജയന്‍ കലക്ടര്‍മാരോട് നിര്‍ദേശിച്ചു. ജില്ലാ പദ്ധതികള്‍ സംസ്ഥാനതലത്തില്‍ അവതരിപ്പിക്കുമ്പോള്‍ ഏകോപിത പ്രൊജക്ടുകളുടെ എണ്ണവും ഗുണമേ•യും വിലയിരുത്തപ്പെടും. ഈ അടിസ്ഥാനത്തിലായിരിക്കും സംസ്ഥാന വികസന കൗണ്‍സില്‍ ജില്ലാ പദ്ധതികള്‍ക്ക് അംഗീകാരം നല്‍കുകയെന്ന് മുഖ്യമന്ത്രി പറഞ്ഞു. ജില്ലാതല പദ്ധതികള്‍ ജനുവരി മൂന്നാംവാരം സംസ്ഥാന തലത്തില്‍ ഒരു വിദഗ്ധ സമിതി മുമ്പോകെ അവതരിപ്പിക്കണം.

ഓഖി ചുഴലിക്കാറ്റുമൂലം നാശനഷ്ടമുണ്ടായവര്‍ക്ക് സഹായം പെട്ടെന്ന് ലഭ്യമാക്കാന്‍ കലക്ടര്‍മാര്‍ പ്രത്യേകം ശ്രദ്ധിക്കണമെന്ന് മുഖ്യമന്ത്രി പിണറായി വിജയന്‍ നിര്‍ദേശിച്ചു. കലക്ടര്‍മാരുമായി വീഡിയോ കോണ്‍ഫറന്‍സിങ്ങിലൂടെയാണ് മുഖ്യമന്ത്രി ഇതു സംബന്ധിച്ച നിര്‍ദേശം നല്‍കിയത്. നിലവിലുളള മാനദണ്ഡ പ്രകാരം നഷ്ടപരിഹാരത്തുക വളരെ കുറഞ്ഞതാണെങ്കില്‍ അതില്‍ കാലോചിതമായ മാറ്റം വരുത്തേണ്ടതുണ്ട്. ഇത്തരം കാര്യങ്ങള്‍ കലക്ടര്‍മാര്‍ സര്‍ക്കാരിന്റെ ശ്രദ്ധയില്‍പെടുത്തണം. 

ഓഖി ചുഴലിക്കാറ്റ് ദുരന്തത്തില്‍പ്പെട്ടവരെ സഹായിക്കുന്നതിന് സംസ്ഥാന സര്‍ക്കാര്‍ സ്വീകരിച്ചതും സ്വീകരിച്ചുകൊണ്ടിരിക്കുന്നതുമായ നടപടികളില്‍ തിരുവനന്തപുരം അതിരൂപത മെത്രാന്‍ ഡോ. സൂസപാക്യം സംതൃപ്തി രേഖപ്പെടുത്തി.

വ്യവസായിക തൊഴിലാളി വിഭാഗത്തില്‍പ്പെട്ടവരില്‍ നിന്നും എസ്.സി.വി.ടി. പാസായവരില്‍ നിന്നും ജനുവരി 2018 ല്‍ തുടങ്ങുന്ന അഖിലേന്ത്യാ ട്രേഡ് ടെസ്റ്റില്‍ I, II, II&IV സപ്ലിമെന്ററി/മൂന്നാം സെമസ്റ്റര്‍ റഗുലര്‍ അപേക്ഷ ക്ഷണിച്ച് വിജ്ഞാപനമായി.  2013 ആഗസ്റ്റില്‍ അഡ്മിഷന്‍ നേടിയ ഇതുവരെ അഞ്ച് അവസരങ്ങള്‍ ഉപയോഗിക്കാത്ത ട്രെയിനികള്‍ക്കും അപേക്ഷ നല്‍കാം.  അപേക്ഷാ ഫാറവും മറ്റു വിവരങ്ങളും www.det.kerala.gov.in ലും സര്‍ക്കാര്‍ ഐ.ടി.ഐ. കളിലും ലഭ്യമാണ്.

പി.എന്‍.എക്‌സ്.5182/17

തിരുവനന്തപുരം ജില്ലയിലെ വിവിധ ട്രഷറികളില്‍ നിന്നും ട്രഷറി അക്കൗണ്ടുകള്‍, ബാങ്ക് അക്കൗണ്ടുകള്‍, മണിയോര്‍ഡര്‍ എന്നിവ മുഖേന പെന്‍ഷന്‍ വാങ്ങുന്നവര്‍ ഡിസംബര്‍ 31 ന് മുമ്പ് ലൈഫ് മസ്റ്ററിംഗ് നടത്തണമെന്ന് തിരുവനന്തപുരം ജില്ലാ ട്രഷറി ഓഫീസര്‍ അറിയിച്ചു. പെന്‍ഷന്‍ ബുക്കും, ഫോട്ടോ ഉള്‍പ്പെടുത്തിയ ഏതെങ്കിലും തിരിച്ചറിയല്‍ രേഖയുമായി കേരളത്തിലെ ഏത് ട്രഷറിയിലും നേരിട്ടെത്തി ലൈഫ് മസ്റ്ററിംഗ് നടത്താം.  നേരിട്ട് വരാന്‍ കഴിയാത്തവര്‍ ചട്ടപ്രകാരമുള്ള ലൈഫ് സര്‍ട്ടിഫിക്കറ്റ് ഹാജരാക്കണം.  മസ്റ്ററിംഗിനായി വരുമ്പോള്‍ ആധാര്‍ നമ്പര്‍, ഫോണ്‍ നമ്പര്‍, പാന്‍ നമ്പര്‍ എന്നിവ കൂടി നല്‍കണം.