ആലപ്പുഴ: ഗാർഹിക മേഖലയിൽ സംഭവിക്കുന്ന വൈദ്യുത അപകടത്തിന്റെ 44 ശതമാനവും വൈദ്യുതി ദുരുപയോഗവും അശ്രദ്ധമായി വൈദ്യുതി ലൈനിന് സമീപം ഇരുമ്പുതോട്ടിയും ദണ്ഡും ഉപയോഗിക്കുന്നതും മൂലം. വൈദ്യുത അപകട സുരക്ഷയുമായി ബന്ധപ്പെട്ട് ജില്ലാ കളക്ടർ ടി.വി. അനുപമയുടെ അധ്യക്ഷതയിൽ കളക്ടറേറ്റിൽ കൂടിയ യോഗത്തിൽ ഇലക്ട്രിക്കൽ ഇൻസ്പക്ടറേറ്റ് വകുപ്പ് ഉദ്യോഗസ്ഥരാണ് ഇക്കാര്യം വ്യക്തമാക്കിയത്. 

29 ശതമാനം അപകടങ്ങൾ അനധികൃത നിർമാണങ്ങളും താത്കാലിക വയറിങും അജ്ഞതയും മൂലമാണെന്നും ഉദ്യോഗസ്ഥർ പറഞ്ഞു. കേടായ ഉപകരണങ്ങൾ മൂലമാണ് 12 ശതമാനം അപകടം ഉണ്ടാകുന്നത്.