വടക്കാഞ്ചേരി ഗവണ്‍മെന്റ് മോഡല്‍ റസിഡന്‍ഷ്യല്‍ മലയാളം മീഡിയം സ്‌ക്കുളില്‍ കൗണ്‍സിലറെ താല്‍ക്കാലികമായി നിയമിക്കുന്നു. മനശാസ്ത്രത്തില്‍ ബിരുദാനന്തരബിരുദവും കൗണ്‍സിലിംഗില്‍ പ്രവൃത്തി പരിചയവും അല്ലെങ്കില്‍ എം.എസ്.ഡബ്ല്യു ബിരുദമാണ് യോഗ്യത. പ്രായം 18 നും 40 നും മദ്ധ്യേ.

താല്‍പര്യമുളളവര്‍ ബയോഡാറ്റായും പ്രായം, യോഗ്യത, പ്രവര്‍ത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റിന്റെ അസ്സലും സ്വയം സാക്ഷ്യപ്പെടുത്തിയ പകര്‍പ്പും സഹിതം അപേക്ഷ നവംബര്‍ 10 നകം അയ്യന്തോള്‍ സിവില്‍ സ്റ്റേഷനിലുളള ജില്ലാ പട്ടികജാതി വികസന ഓഫീസില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍ :  0487-2360381.
 

ഭാരതീയ ചികിത്സാ വകുപ്പിന്റെ കീഴിലുളള മെഡിക്കല്‍ ഓഫീസര്‍മാരുടെ പ്രതിമാസം യോഗം നാളെ (ഒക്‌ടോബര്‍ 9) രാവിലെ 10 ന് തൃശൂര്‍ എലൈറ്റ് ഇന്റര്‍നാഷണല്‍ ഹോട്ടലില്‍ ചേരും.
 

സംസ്ഥാനത്തെ സര്‍ക്കാര്‍ / എയ്ഡഡ് സ്‌കൂളുകളില്‍ 2015-16, 2016-17 വര്‍ഷങ്ങളില്‍ 1 മുതല്‍ 10 വരെ ക്ലാസ്സുകളില്‍ പഠിച്ച അര്‍ഹരായ ഒ ഇ സി വിഭാഗം വിദ്യാര്‍ത്ഥികളുടെ ബെനിഫിഷ്യറി ലിസ്റ്റ് കിട്ടിയിട്ടും ബാങ്ക് അക്കൗണ്ടുകളില്‍ ആനുകൂല്യം ക്രെഡിറ്റ് ആകാത്ത സ്‌കൂളുകള്‍ വിവരം പിന്നാക്ക വിഭാഗ വികസന വകുപ്പിന്റെ കോഴിക്കോട് മേഖല ഓഫീസില്‍ സ്‌കൂള്‍ കോഡ്, ബാങ്ക് അക്കൗണ്ട് ഡീറ്റെയില്‍സ് എന്നിവ സഹിതം രേഖാമൂലം അറിയിക്കേണ്ടതാണെന്ന് ഡെപ്യൂട്ടി ഡയറക്ടര്‍ അറിയിച്ചു.
 

സംസ്ഥാന സര്‍ക്കാര്‍ സ്ഥാപനമായ അനെര്‍ട്ട് ഈ വര്‍ഷം മുതല്‍ ഊര്‍ജ്ജ രംഗത്ത് കാര്യക്ഷമമായി പ്രവര്‍ത്തിക്കുന്ന വ്യാവസായിക വാണിജ്യ സംരംഭകര്‍, വിദ്യാഭ്യാസ സ്ഥാപനങ്ങള്‍, പൊതു സ്ഥാപനങ്ങള്‍, തദ്ദേശ സ്വയംഭരണസ്ഥാപനങ്ങള്‍, സര്‍ക്കാര്‍ ഇതര സംഘടനകള്‍, വ്യക്തികള്‍ എന്നിവരെ അവാര്‍ഡ് നല്‍കി ആദരിക്കും.

ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ സംഘടിപ്പിച്ച ഔദ്യോഗിക ഭാഷാവാരാഘോഷം സമാപിച്ചു. ചാലക്കുടി ഗവണ്‍മെന്റ് ഐ.ടി.ഐ യില്‍ നടന്ന സമാപന സമ്മേളനം ബി.ഡി.ദേവസ്സി എം.എല്‍.എ ഉദ്ഘാടനം ചെയ്തു. ഭാഷയെ സ്‌നേഹിക്കാനുളള മനസ്സ് മലയാളികള്‍ക്കുണ്ടാകണമെന്ന് ബി.ഡി.ദേവസ്സി എം.എല്‍.എ പറഞ്ഞു. ഭാഷാഭിമാനമാണ് ഒരു നാടിന്റെ കരുത്തെന്നും അത് കൊണ്ടാണ് മലയാളം ഔദ്യോഗിക ഭാഷയാക്കാന്‍ സര്‍ക്കാര്‍ ശ്രമിക്കുന്നതെന്നും അദ്ദേഹം വ്യക്തമാക്കി.  നഗരസഭാ ചെയര്‍പേഴ്‌സണ്‍ ഉഷാപരമേശ്വരന്‍ അദ്ധ്യക്ഷത വഹിച്ചു.

കുടുംബശ്രീ ജില്ലാ മിഷനില്‍ ആറ് മാസ കാലയളവിലേക്ക് ജേര്‍ണലിസ്റ്റ് ഇന്റേണ്‍ ആയി പ്രവര്‍ത്തിക്കാന്‍ താത്പര്യമുള്ള ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ജേര്‍ണലിസത്തില്‍ ബിരുദം/ബിരുദാനന്തര ബിരുദം ഉണ്ടായിരിക്കണം. വയസ് 18നും 30നും മധ്യേ. അപേക്ഷ സ്വീകരിക്കുന്ന അവസാന തീയതി നവംബര്‍ 20 വൈകിട്ട് അഞ്ച്  വരെ. ഫോണ്‍: 04682221807.           

(പിഎന്‍പി 2994/17)    

മല്ലപ്പള്ളി കെല്‍ട്രോണ്‍ നോളജ് സെന്ററില്‍ ഡിസിഎ, പിജിഡിസിഎ, ടാലി, എംഎസ് ഓഫീസ്, ഡാറ്റാ എന്‍ട്രി തുടങ്ങിയ കോഴ്‌സുകളിലേക്ക് അപേക്ഷ ക്ഷണിച്ചു.

അവസാന തീയതി നവംബര്‍ 10. ഫോണ്‍: 0469 2785525, 8078140525.

(പിഎന്‍പി 2993/17)

പമ്പാനദിയില്‍ സോപ്പും എണ്ണയും ഉപയോഗിച്ച് തീര്‍ഥാടകര്‍ കുളിക്കുന്നത് 2011 ലെ കേരള പോലീസ് നിയമം 80 (എ) പ്രകാരവും, 1974ലെ ജലനിയമം, വകുപ്പ് 24 ഉപവകുപ്പ് (1) പ്രകാരവും നിരോധിച്ച് ജില്ലാ കളക്ടര്‍ ആര്‍.ഗിരിജ ഉത്തരവായി.

ഇതിന് വിരുദ്ധമായി പ്രവര്‍ത്തിക്കുന്നവര്‍ക്ക് ഒന്നര  വര്‍ഷം മുതല്‍ ആറ് വര്‍ഷം വരെ തടവും പിഴ ശിക്ഷയും ലഭിക്കും. ഉത്തരവ് നടപ്പാക്കുന്നതിന് ജില്ലാ പോലീസ് മേധാവി, അടൂര്‍, തിരുവല്ല റവന്യു ഡിവിഷണല്‍ ഓഫീസര്‍മാര്‍, പത്തനംതിട്ട പരിസ്ഥിതി എന്‍ജിനീയര്‍, മലിനീകരണ നിയന്ത്രണ ബോര്‍ഡ് തുടങ്ങിയവരെ ചുമതലപ്പെടുത്തി.                          

(പിഎന്‍പി 2992/17)

സന്നിധാനം, പമ്പ, നിലയ്ക്കല്‍, ശബരിമല കാനന പാതകള്‍, തീര്‍ഥാടകര്‍ സഞ്ചരിക്കുന്ന വനാതിര്‍ത്തികള്‍ എന്നിവിടങ്ങളില്‍ ചപ്പുചവറുകള്‍, പച്ചക്കറി, പഴങ്ങള്‍ എന്നിവയുടേതുള്‍പ്പെടെ ആഹാരാവശിഷ്ടങ്ങളും പ്ലാസ്റ്റിക് കുപ്പികള്‍, പ്ലാസ്റ്റിക് മാലിന്യങ്ങള്‍, ആതുരാലയ മാലിന്യങ്ങള്‍, ശീതളപാനീയങ്ങളുടെ കുപ്പികള്‍ എന്നീ അജൈവ മാലിന്യങ്ങളും പൊതുജനാരോഗ്യത്തെ കണക്കിലെടുത്ത് അലക്ഷ്യമായി നിക്ഷേപിക്കുന്നത് കേരള പോലീസ് നിയമത്തിലെ ചട്ടം 80 പ്രകാരം അടിയന്തരമായി നിരോധിച്ച് ജില്ലാ കളക്ടര്‍ ആര്‍.ഗിരിജ ഉത്തരവായി.    

(പിഎന്‍പി 2991/17)

മീസില്‍സ്-റൂബെല്ല വാക്‌സിനേഷന്‍ കാമ്പയിന്‍ ഈ മാസം 18ന് അവസാനിക്കുമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ.എല്‍.അനിതാകുമാരി അറിയിച്ചു. ജില്ലയില്‍ ഇതുവരെ ലക്ഷ്യമിട്ടതിന്റെ 95 ശതമാനം കുട്ടികള്‍ക്കും വാക്‌സിന്‍ നല്‍കി.

ഇനിയുള്ള  ബുധന്‍, ശനി ദിവസങ്ങളില്‍ എല്ലാ പ്രാഥമിക, സാമൂഹികാരോഗ്യ കേന്ദ്രങ്ങളിലും, സര്‍ക്കാര്‍ ആശുപത്രികളില്‍ നിന്നും വാക്‌സിനേഷന്‍ സൗജന്യമായി ലഭിക്കും. ഇതേവരെ മീസില്‍സ്-റൂബെല്ല പ്രതിരോധ കുത്തിവയ്പ് എടുക്കാന്‍ സാധിക്കാത്ത ഒമ്പത് മാസം മുതല്‍ 15 വയസ് വരെ പ്രായമുള്ള കുട്ടികളെ ഈ കേന്ദ്രങ്ങളിലെത്തിച്ച് കുത്തിവയ്പ് എടുക്കണം.