ചെന്നീര്‍ക്കര സര്‍ക്കാര്‍ ഐടിഐ യില്‍ അഡ്വാന്‍സ് ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ ആന്റ് ഹ്യൂമന്‍ റിസോഴ്സ്മാനേജ്മന്റ് (ഒരു വര്‍ഷം), പ്രൊഫഷണല്‍ ഡിപ്ലോമ ഇന്‍ ഏവിയേഷന്‍ ആന്‍ഡ് ലോജിസ്റ്റിക്സ് മാനേജ്മെന്റ് (ഒരു വര്‍ഷം), ഡിപ്ലോമ ഇന്‍ മറൈന്‍ മെക്കാനിക്കല്‍ ഫിറ്റര്‍ (ആറ് മാസം)

അഡ്വാന്‍സ് ഡിപ്ലോമ ഇന്‍ ഓഫീസ് അഡ്മിനിസ്ട്രേഷന്‍ ആന്റ് എച്ച്ആര്‍എം (ആറ് മാസം) കോഴ്സുകളിലേക്ക് പ്രവേശനം ആരംഭിച്ചു. യോഗ്യത : പ്ലസ് ടു/ബിരുദം

ഫോണ്‍ : 7306119753

ഗാര്‍ഹിക പാചക വാതക സിലിണ്ടറുകളുടെ വിതരണം കാര്യക്ഷമമായും പരാതി രഹിതവുമായി നടത്തുന്നതിന് താലൂക്ക്തല ഓപ്പണ്‍ ഫോറം മെയ് 20 രാവിലെ 11 ന് റാന്നി ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ ചേരുമെന്ന് റാന്നി താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍ : 04735 227504.

ജില്ലയിലെ ഹയര്‍ സെക്കന്‍ഡറി വരെയുളള എല്ലാ സ്‌കൂളുകളും ട്യൂഷന്‍ സെന്ററുകളും തുറന്ന് പ്രവര്‍ത്തിക്കുന്നതിനും അവധിക്കാല ക്ലാസ് നടത്തുന്നതിനും ജില്ല കലക്ടര്‍ എസ് പ്രേം കൃഷ്ണന്‍ അനുമതി നല്‍കി. കേന്ദ്ര കാലാവസ്ഥ വകുപ്പിന്റെ ഉഷ്ണതരംഗ മുന്നറിയിപ്പ്, കഠിനമായ ചൂടിനും ഈര്‍പ്പത്തിനുമുളള മുന്നറിയിപ്പ് എന്നിവ പുതുതായി ലഭിച്ചിട്ടില്ലാത്ത സാഹചര്യത്തിലാണ് വിദ്യാഭ്യാസ സ്ഥാപനങ്ങളില്‍ അവധിക്കാല ക്ലാസ് നിരോധിച്ചുളള ജില്ല കലക്ടറുടെ ഉത്തരവ് പിന്‍വലിച്ചത്.

കേരള ആരോഗ്യ സർവകലാശാല ബിരുദദാന സമ്മേളനം ഇന്ന് രാവിലെ 11 ന് തൃശൂരിലെ സർവകലാശാലാ സെനറ്റ് ഹാളിൽ നടക്കും. മുഖ്യാതിഥിയായി ഗവർണർ രാജേന്ദ്ര വിശ്വനാഥ് അർലേകർ പങ്കെടുക്കും.

ഡെങ്കിപ്പനി ദിനാചരണത്തിന്റെ ജില്ലാതല ഉദ്ഘാടനം കലക്ടറേറ്റ് അങ്കണത്തില്‍ ജില്ല കലക്ടര്‍ എസ് പ്രേം കൃഷ്ണന്‍ നിര്‍വഹിച്ചു. ഉറവിട നശീകരണ പ്രവര്‍ത്തനത്തിന് ജില്ല കലക്ടര്‍ നേതൃത്വം നല്‍കി. ഡെങ്കിപ്പനി ഉള്‍പ്പെടെയുള്ള പകര്‍ച്ചവ്യാധികള്‍ക്കെതിരെ മുന്‍കരുതല്‍ വേണം. വീട്, ഓഫീസ്, പൊതുഇടങ്ങള്‍ എന്നിവ വ്യത്തിയായി സൂക്ഷിക്കണം. അടുത്ത മൂന്ന് ശനിയാഴ്ചകളില്‍ സര്‍ക്കാര്‍ ഓഫീസുകള്‍ ഉള്‍പ്പെടെ ഉറവിട നശീകരണ പ്രവര്‍ത്തനം നടത്തണമെന്ന് അദ്ദേഹം നിര്‍ദേശിച്ചു.

കേരളം, തമിഴ്നാട്, കർണ്ണാടക എന്നീ സംസ്ഥാനങ്ങളിലായി പ്രവർത്തിക്കുന്ന ഐവ്യാൻ മൾട്ടി സ്റ്റേറ്റ് അഗ്രോ ആന്റ് മാർക്കറ്റിങ്ങ് കോ-ഓപറേറ്റീവ് സൊസൈറ്റി ലിമിറ്റഡിൽ ബോർഡ് മെമ്പർമാർ, ഓഫീസ് ഭാരവാഹികൾ എന്നീ സ്‌ഥാനങ്ങളിലേക്കുള്ള തെരഞ്ഞെടുപ്പിന് വിജ്ഞാപനം പുറപ്പെടുവിച്ചു. തൃശൂർ ജില്ലാ മജിസ്ട്രേറ്റും ജില്ലാ കളക്ടറുമായ ശിഖ സുരേന്ദ്രനാണ് വരണാധികാരി. ബോർഡ് മെമ്പർമാർ- ആറ് (ജനറൽ -3, എസ്.സി, എസ്.ടി - 1, സ്ത്രീകൾ -2), ഓഫീസ്  ഭാരവാഹികൾ - 2 (ചെയർമാൻ -1, വൈസ് ചെയർമാൻ -1) എന്നീ സ്ഥാനങ്ങളിലേക്കാണ് തെരഞ്ഞെടുപ്പ്.

 
വിവിധ വകുപ്പുകളുടെ ഏകോപന യോഗം ചേര്‍ന്നു

പൾസ് പോളിയോ ഇമ്മ്യൂണൈസേഷൻ ക്യാമ്പയിൻ, ഹ്യൂമൻ പാപ്പിലോമ വൈറസ് വാക്‌സിനേഷൻ എന്നിവയുടെ സംയുക്ത ഇന്റർ സെക്റ്റർ യോഗം ജില്ലാ കളക്ടർ ശിഖ സുരേന്ദ്രന്റെ അധ്യക്ഷതയിൽ ചേർന്നു. പൾസ് പോളിയോ ഇമ്യൂണൈസേഷൻ ക്യാമ്പയിനിന്റെ ഭാഗമായി ജൂൺ 28ന് ജില്ലയിലെ അഞ്ച് വയസ്സിന് താഴെയുള്ള 1,73,897 കുട്ടികള്‍ക്ക് പോളിയോ നല്‍കും.

തദ്ദേശ സ്വയംഭരണ സ്ഥാപനങ്ങള്‍ അടിയന്തരമായി മഴക്കാല പൂര്‍വ ശുചീകരണം ആരംഭിക്കാനും മഴ ശക്തമാകുന്നതിന് മുമ്പ് ഓടകള്‍, കൈത്തോടുകള്‍, കല്‍വര്‍ട്ടുകള്‍, ചെറിയ കനാലുകള്‍ എന്നിവയിലെ തടസം നീക്കാനും ജില്ല കലക്ടര്‍ എസ് പ്രേം കൃഷ്ണന്റെ നിര്‍ദേശം. നിയുക്ത എംഎല്‍എമാരായ വര്‍ഗീസ് മാമ്മന്‍, സി വി ശാന്തകുമാര്‍, ജില്ല പഞ്ചായത്ത് പ്രസിഡന്റ് ദീനാമ്മ റോയി എന്നിവരുടെ സാന്നിധ്യത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന കാലവര്‍ഷ മുന്നൊരുക്ക അവലോകന യോഗത്തില്‍ അധ്യക്ഷനായിരുന്നു ജില്ല കലക്ടര്‍.

 
ചൂലിശ്ശേരി വില്ലേജിലെ കൊളങ്ങാട്ടുകര പഴൂക്കാരൻ വീട്ടിൽ പ്രഭാകരൻ 64 വയസ്സ് എന്നയാളെ 2024 മേയ് ആറ് മുതൽ കാൺമാനില്ല. കാണാതാകുമ്പോൾ കാവി മുണ്ടും വെള്ള ഷർട്ടുമാണ് വേഷം. തലയുടെ മുൻഭാഗം കഷണ്ടിയും മെലിഞ്ഞ ശരീരവുമാണ്. അഞ്ചേകാൽ അടി ഉയരം. ഇരു നിറം. താടിയും മുടിയും നീട്ടിവളർത്തിയിട്ടുണ്ട്. ഈ വ്യക്തിയെ കുറിച്ച് എന്തെങ്കിലും വിവരം ലഭിക്കുന്നവർ തൃശ്ശൂർ മെഡിക്കൽ കോളേജ് പോലീസ് സ്റ്റേഷനിൽ വിവരം അറിയിക്കണമെന്ന് സ്റ്റേഷൻ ഹൗസ് ഓഫീസർ അറിയിച്ചു.

വനിതാ ശിശു വികസന വകുപ്പിന് കീഴിൽ തൃശ്ശൂർ ജില്ലയിൽ ഇരിങ്ങാലക്കുട ജനറൽ ആശുപത്രിയിൽ പ്രവർത്തിക്കുന്ന സഖി വൺ സ്റ്റോപ്പ് സെൻ്ററിലേക്ക് സെന്റർ അഡ്മിനിസ്ട്രേറ്റർ, സൈക്കോസോഷ്യൽ കൗൺസലർ തസ്തികയിലേക്ക് കരാറടിസ്ഥാനത്തിൽ താത്ക്കാലിക നിയമനത്തിന് അപേക്ഷ ക്ഷണിച്ചു. 25 നും 45 നും ഇടയിൽ പ്രായമുള്ള സ്ത്രീകൾക്ക് അപേക്ഷിക്കാം.

സെൻ്റർ അഡ്മിനിസ്ട്രേറ്റർ തസ്തികയിലേക്ക് നിയമം/ സോഷ്യൽ വർക്ക്/ സോഷ്യോളജി/ സോഷ്യൽ സയൻസ്/ സൈക്കോളജി എന്നിവയാണ് യോഗ്യത. സർക്കാർ, സർക്കാരിതര പദ്ധതിയിൽ അഡ്മിനിസ്ട്രേറ്റീവ് മേഖലയിൽ കുറഞ്ഞത് അഞ്ചുവർഷത്തെ പ്രവൃത്തിപരിചയവും, കൗൺസലിംഗിൽ കുറഞ്ഞത് ഒരു വർഷത്തെ പ്രവൃത്തിപരിചയവും അഭികാമ്യം.