സംസ്ഥാന കള്ളുവ്യവസായ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് പഠന കിറ്റ് ലഭിക്കുന്നതിന് അപേക്ഷ ക്ഷണിച്ചു. സര്‍ക്കാര്‍, എയ്ഡഡ്, അണ്‍ എയ്ഡഡ് സ്‌കൂളുകളില്‍ 2026-27 വര്‍ഷത്തില്‍ ഒന്ന് മുതല്‍ ഏഴ് വരെ ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് പഠനകിറ്റിന് അര്‍ഹതയുള്ളത്. സ്ഥാപന മേധാവിയുടെ സര്‍ട്ടിഫിക്കറ്റ് അപേക്ഷയോടൊപ്പം നല്‍കണം. സര്‍ട്ടിഫിക്കറ്റില്‍ രക്ഷകര്‍ത്താവിന്റെ പേര് രേഖപ്പെടുത്തണം. അപേക്ഷയും മതിയായ രേഖകളും മെയ് 15നകം കോഴിക്കോട് വെല്‍ഫയര്‍ ഫണ്ട് ഇന്‍സ്‌പെക്ടര്‍ ഓഫീസില്‍ ലഭ്യമാക്കണം. അപേക്ഷ ഫോമുകള്‍ വെല്‍ഫയര്‍ ഫണ്ട് ഇന്‍സ്‌പെക്ടര്‍ ഓഫീസിലും യൂണിയന്‍ ഓഫീസുകളിലും ലഭ്യമാണ്.

ജില്ലാ എച്ച്.ഐ.വി - എയ്ഡ്‌സ് പ്രതിരോധ സമിതി യോഗം കളക്ടറേറ്റില്‍ ചേര്‍ന്നു. ജില്ലയില്‍ എച്ച്.ഐ.വി ബാധ താരതമ്യേന കുറവാണെങ്കിലും പ്രതിരോധ പ്രവര്‍ത്തനങ്ങള്‍ ശക്തമാക്കാന്‍ യോഗം തീരുമാനിച്ചു. വിദ്യാര്‍ത്ഥികളിലടക്കമുള്ള ബോധവല്‍ക്കരണം, എച്ച്.ഐ.വി സാധ്യതയുള്ള വിഭാഗങ്ങളിലുള്ള ടെസ്റ്റിംഗ്, മികച്ച ചികിത്സാ സംവിധാനങ്ങളെ കുറിച്ചുള്ള അവബോധം എന്നിവ വരും ദിവസങ്ങളില്‍ കൂടുതല്‍ ഊര്‍ജ്ജിതപ്പെടുത്തും.

ദേശീയ തലത്തില്‍ ജൂണ്‍ 28ന് നടക്കുന്ന പള്‍സ് പോളിയോ ഇമ്മ്യൂണൈസേഷന്‍ പരിപാടിയുടെ ടാസ്‌ക് ഫോഴ്സ് യോഗം ജില്ലാ കളക്ടര്‍ ഡി.ആര്‍. മേഘശ്രീയുടെ അധ്യക്ഷതയില്‍ കളക്ടറേറ്റില്‍ ചേര്‍ന്നു. 2014-ല്‍ ഇന്ത്യയെ പോളിയോ മുക്തമായി പ്രഖ്യാപിച്ചിരുന്നെങ്കിലും അയല്‍രാജ്യങ്ങളായ പാകിസ്ഥാന്‍, അഫ്ഗാനിസ്ഥാന്‍ എന്നിവിടങ്ങളില്‍ ഇപ്പോഴും വൈല്‍ഡ് പോളിയോ വൈറസിന്റെ സാന്നിധ്യം നിലനില്‍ക്കുന്നതിനാല്‍ പൂര്‍ണ്ണ സുരക്ഷ ഉറപ്പാക്കുന്നതിനാണ് എല്ലാവര്‍ഷവും ക്യാമ്പയിന്‍ തുടരുന്നത്. ഇതിന്റെ ഭാഗമായി ദേശീയ ഇമ്മ്യൂണൈസേഷന്‍ ദിനമായ ജൂണ്‍ 28ന് അഞ്ച് വയസ്സിന് താഴെയുള്ള എല്ലാ കുഞ്ഞുങ്ങള്‍ക്കും പോളിയോ  തുള്ളിമരുന്ന് നല്‍കും.

സ്ത്രീകളിലുണ്ടാകുന്ന മിക്ക സെര്‍വിക്കല്‍ കാന്‍സറുകള്‍ക്കും കാരണം ഹ്യൂമന്‍ പാപ്പിലോമ വൈറസാണ് (എച്ച് പി വി). വൈറസിന്റെ അപകട സാധ്യത കൂടുതലുള്ള വകഭേദങ്ങള്‍ മൂലമുണ്ടാകുന്ന അണുബാധ ദീര്‍ഘനാള്‍ നിലനില്‍ക്കുമ്പോഴാണ് ഇത് കാന്‍സറായി മാറുന്നത്. ഇത് തടയാന്‍ തികച്ചും സുരക്ഷിതമായ ഗാര്‍ഡാസില്‍ ക്വാഡ്രിവാലന്റ് എന്ന വാക്‌സിന്റെ ഒറ്റ ഡോസ് എടുത്താല്‍ മതിയാകും. ഇത് സുരക്ഷിതവും പൂര്‍ണ്ണമായും ഫലപ്രാപ്തിയുള്ളതമാണ്. ഗര്‍ഭാശയ ഗള കാന്‍സറിന് പുറമെ ലൈംഗിക അവയവങ്ങളില്‍ ഉണ്ടാകുന്ന കാന്‍സറുകള്‍, അരിമ്പാറകള്‍ എന്നിവ തടയാനും ഈ വാക്‌സിന്‍ സഹായിക്കും.

ജില്ലയില്‍ 14 വയസ്സ് പൂര്‍ത്തിയായതും 15 വയസ്സ് പൂര്‍ത്തിയാകാത്തതുമായ എല്ലാ പെണ്‍കുട്ടികള്‍ക്കും ഗര്‍ഭാശയ ഗള (സെര്‍വിക്കല്‍) കാന്‍സര്‍ പ്രതിരോധിക്കാനുള്ള എച്ച്.പി.വി വാക്‌സിന്‍ ഗവ ആരോഗ്യ കേന്ദ്രങ്ങള്‍ വഴി സൗജന്യമായി നല്‍കുന്നു. ഇതിനായി മെയ് 30 വരെ പ്രത്യേക ക്യാമ്പയിന്‍ നടക്കും. സ്വകാര്യ ആശുപത്രികളില്‍ 4000 രൂപയോളം ചിലവ് വരുന്ന വാക്‌സിനാണ് പ്രാഥമിക ആരോഗ്യ കേന്ദ്രങ്ങള്‍ മുതല്‍ ജില്ലാ ആശുപത്രികള്‍ വരെയുള്ള എല്ലാ സര്‍ക്കാര്‍ ആരോഗ്യ സ്ഥാപനങ്ങളിലൂടെയും സൗജന്യമായി ലഭ്യമാക്കുന്നത്.

സംസ്ഥാന സാക്ഷരതാ മിഷന്‍ അതോറിറ്റിയുടെ വിവിധ തുല്യതാ കോഴ്‌സുകളിലേക്ക് രജിസ്‌ട്രേഷന്‍ ആരംഭിച്ചു. ഹയര്‍സെക്കന്ററി, പത്താംതരം, ഏഴാം തരം, നാലാം തരം, തുല്യതാ കോഴ്‌സുകളി ലേക്കാണ് അപേക്ഷ ക്ഷണിച്ചത്. എല്ലാ കോഴ്‌സുകളിലേക്കും മെയ് 25 വരെ പിഴയില്ലാതെ രജിസ്റ്റര്‍ ചെയ്യാം. പത്താം തരത്തിന് 100 രൂപ രജിസ്‌ട്രേഷന്‍ ഫീസ് ഉള്‍പ്പെടെ 1950 രൂപയാണ് ഫീസ്.
ഹയര്‍ സെക്കന്ററിക്ക് 300 രപ രജിസ്‌ട്രേഷന്‍ ഫീസ് ഉള്‍പ്പെടെ 2600 രൂപ.  നാലാം തരം ഏഴാം തരം തുല്യതാ കോഴ്‌സുകള്‍ക്ക് ഫീസ് ഇല്ല. പത്താം തരത്തിന്  17 വയസ്സും ഹയര്‍ സെക്കന്ററിക്ക് 22 വയസും പൂര്‍ത്തിയാ കണം. ഓണ്‍ലൈനായാണ് അപേക്ഷിക്കേണ്ടത്.

ഇടുക്കി ജില്ലയില്‍ ഒഴിവുളള അക്ഷയ കേന്ദ്രങ്ങളിലേക്ക് സംരംഭകരെ തിരഞ്ഞെടുക്കുന്നതിനുളള ഒ എം ആര്‍ പരീക്ഷ മെയ് 17 നു നടക്കും. ആദ്യഘട്ട പരിശോധനയ്ക്ക് ശേഷം യോഗ്യത നേടിയ അപേക്ഷകര്‍ക്കാണ് പരീക്ഷ എഴുതുവാന്‍ അവസരം. ഒ എം ആര്‍ പരീക്ഷയില്‍ യോഗ്യത നേടുന്നവരില്‍ നിന്ന് ഇന്റര്‍വ്യൂ വഴിയാണ് സംരംഭകരെ തെരഞ്ഞെടുക്കുന്നത്.
യോഗ്യരായ അപേക്ഷകര്‍ക്ക് അവരവരുടെ അഡ്മിറ്റ് കാര്‍ഡ് എല്‍ ബി എസിന്റെ പോര്‍ട്ടലില്‍ നിന്ന് ഡൗണ്‍ലോഡ് ചെയ്യാം.
കൂടുതല്‍ വിവരങ്ങള്‍ക്ക് എല്‍ ബി എസ് ഫോണ്‍:0471 2560311,2560312
അക്ഷയ ജില്ലാ പ്രോജക്ട് ഓഫീസ് - 04862 215232

പൂപ്പാറ ടൗണില്‍ സര്‍ക്കാര്‍ സ്ഥലം കൈയേറി പന്നിയാര്‍ പുഴയുടെ ഒഴുക്കിന് തടസം സൃഷ്ടിച്ച് നിര്‍മ്മിച്ച അനധികൃത കെട്ടിടങ്ങള്‍ ജില്ലാ ഭരണകൂടം പൊളിച്ചു നീക്കി.  ജില്ലാ കളക്ടര്‍ ഡോ. ദിനേശന്‍ ചെറുവാട്ടിന്റെ നേതൃത്വത്തിലായിരുന്നു നടപടി. സ്ഥലത്തെ സംഘര്‍ഷ സാധ്യത കണക്കിലെടുത്ത് പോലീസ് സേനയെയും വിന്യസിച്ചിരുന്നു. അനധികൃതമായി നിര്‍മ്മിച്ച 88 കെട്ടിടങ്ങളാണ് ദുരന്തനിവാരണ നിയമപ്രകാരം പൊളിച്ചുനീക്കിയത്. വ്യാപാര സ്ഥാപനങ്ങളും വീടുകളും ഇതിലുള്‍പ്പെടുന്നു.

സംസ്ഥാന സഹകരണ യൂണിയന് കീഴിൽ കരണിയിൽ പ്രവർത്തിക്കുന്ന വയനാട് സഹകരണ പരിശീലന കേന്ദ്രത്തിൽ ജെ.ഡി.സി കോഴ്സിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. ജനറൽ വിഭാഗത്തിന് 80 സീറ്റും പാലക്കാട്, തൃശ്ശൂർ, മലപ്പുറം, വയനാട് ജില്ലകളിലെ പട്ടികജാതി, പട്ടികവർഗ വിഭാഗങ്ങൾക്കായി 80 സീറ്റുകളുമാണുള്ളത്. 10 മാസം ദൈർഘ്യമുള്ള കോഴ്സിന്റെ യോഗ്യത എസ്.എസ്.എൽ.സിയാണ്. സഹകരണ സംഘം ജീവനക്കാർ ഉൾപ്പെടെയുള്ള എല്ലാ വിഭാഗങ്ങളിലേക്കും www.scu.kerala.gov.in വെബ്‍സൈറ്റ് വഴി മെയ് 10 വരെ അപക്ഷ നൽകാം. ഫോൺ: 04936 293775, 9744737513