ബാണാസുര സാഗര്‍ ഇറിഗേഷന്‍ പ്രൊജക്ടിലെ കുറുമ്പാല കനാല്‍ നിര്‍മാണ അലൈന്‍മെന്റില്‍ വരുന്ന സ്ഥലത്തെ വിവിധ മരങ്ങള്‍ പുനര്‍ലേലം ചെയ്യുന്നു. മെയ് 13ന് ഉച്ചയ്ക്ക് 12 മണിക്ക് പടിഞ്ഞാറത്തറ ബി.എസ്.പി ഓഫീസ് സബ് ഡിവിഷന്‍ -1, അസി. എക്‌സിക്യൂട്ടീവ് എഞ്ചിനീയറുടെ ഓഫീസില്‍ വെച്ചാണ് ലേലം. ഫോണ്‍: 89439028290

ജില്ലാ ശിശുസംരക്ഷണ യൂണിറ്റിലെ പദ്ധതി ആവശ്യത്തിന് കാര്‍ വാടകയ്ക്ക് നല്‍കാന്‍ താത്പര്യമുള്ളവരില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ മെയ് 28ന് ഉച്ചയ്ക്ക് രണ്ടിനകം ജില്ലാ ശിശു സംരക്ഷണ ഓഫീസര്‍, ജില്ലാ ശിശു സംരക്ഷണ ഓഫീസ്, ജവഹര്‍ ബാലവികാസ് ഭവന്‍, മീനങ്ങാടി വിലാസത്തില്‍ ലഭിക്കണം. ഫോണ്‍: 04936 246098, 7907161248

മാനന്തവാടി പി.കെ കാളന്‍ മെമ്മോറിയല്‍ കോളേജ് ഓഫ് അപ്ലൈഡ് സയന്‍സില്‍ ഇലക്ട്രോണിക്‌സ് വിഭാഗത്തില്‍ താത്കാലിക അധ്യാപക നിയമനം നടത്തുന്നു. നെറ്റ് യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം മെയ് 12ന് രാവിലെ 11ന് കോളേജില്‍ നടത്തുന്ന കൂടിക്കാഴ്ച്ചയില്‍ പങ്കെടുക്കണം. ഫോണ്‍ -8547005060

ജില്ലയില്‍ മൃഗസംരക്ഷണ വകുപ്പിന് കീഴിലുള്ള വിവിധ പദ്ധതികളിലേക്ക് വെറ്ററിനറി ഡോക്ടര്‍, ഡ്രൈവര്‍ കം അറ്റന്റന്റ് തസ്തികകളിലേക്ക് താത്കാലിക നിയമനം നടത്തുന്നു. 89 ദിവസത്തേക്ക് കരാര്‍ അടിസ്ഥാനത്തിലായിരിക്കും നിയമനം. വെറ്ററിനറി ഡോക്ടര്‍ തസ്തികയിലേക്ക് മെയ് 12ന് രാവിലെ 11.30നും ഡ്രൈവര്‍ കം അറ്റന്റന്റ് തസ്തികയിലേക്ക് മെയ് 13ന് രാവിലെ 10.30 നുമാണ് അഭിമുഖം. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകളുടെ അസ്സലും പകര്‍പ്പും അംഗീകൃത തിരിച്ചറിയല്‍ രേഖയും സഹിതം കല്‍പറ്റയിലെ ജില്ലാ മൃഗസംരക്ഷണ ഓഫീസില്‍ ഹാജരാവണം. ഫോണ്‍: 04936 202292

മൃഗസംരക്ഷണ വകുപ്പ് ജില്ലയിലെ വിവിധ നഗരസഭ, ഗ്രാമപഞ്ചായത്ത് പ്രദേശങ്ങളില്‍ നടപ്പാക്കുന്ന കുളമ്പുരോഗ പ്രതിരോധ കുത്തിവെപ്പ് പദ്ധതിയില്‍ താത്കാലിക വാക്‌സിനേറ്റര്‍മാരെ നിയമിക്കുന്നു. വി.എച്ച്.എസ്.ഇ (മൃഗ സംരക്ഷണം) യോഗ്യതയുള്ളവര്‍ക്കും വിരമിച്ച ലൈവ് സ്റ്റോക്ക് ഇന്‍സ്‌പെക്ടര്‍മാര്‍ക്കും അപേക്ഷിക്കാം. അപേക്ഷകര്‍ മെയ് 15ന് രാവിലെ 11ന് യോഗ്യത തെളിയിക്കുന്ന സര്‍ട്ടിഫിക്കറ്റുമായി കല്‍പറ്റ ജില്ലാ വെറ്ററിനറി കേന്ദ്രത്തിലെ ജന്തുരോഗ നിയന്ത്രണ പദ്ധതി കാര്യാലയത്തില്‍ എത്തിച്ചേരണം. ഫോണ്‍: 04936 206845, 9747587754

സുല്‍ത്താന്‍ ബത്തേരി പട്ടികവര്‍ഗ്ഗ വികസന ഓഫീസിനു കീഴില്‍ പ്രവര്‍ത്തിക്കുന്ന 28 സാമൂഹ്യ പഠനമുറികളിലേക്ക് ഫെസിലിറ്റേറ്റര്‍മാരെ നിയമിക്കുന്നു. പട്ടികവര്‍ഗ്ഗക്കാരായ ബി.എഡ്, ടി.ടി.സി യോഗ്യതയുള്ളവര്‍ക്ക് അപേക്ഷിക്കാം. യോഗ്യതയുള്ളവരുടെ അഭാവത്തില്‍ പി.ജി, ഡിഗ്രി യോഗ്യതയുള്ളവരെയും പരിഗണിക്കും. അപേക്ഷകര്‍ സ്ഥാപനത്തിന് മൂന്ന് കി.മീ. ചുറ്റളവില്‍ താമസിക്കുന്നവരാവണം. താത്പര്യമുള്ളവര്‍ ജാതി, വിദ്യാഭ്യാസ യോഗ്യത, തൊഴില്‍പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം പഠനമുറികള്‍ പ്രവര്‍ത്തിക്കുന്ന ട്രൈബല്‍ എക്‌സ്റ്റെന്‍ഷന്‍ ഓഫീസുകളില്‍ മെയ് 18 വൈകുന്നേരം അഞ്ചിനകം അപേക്ഷ നല്‍കണം.

തൃശ്ശിലേരി ഗവ. റൂസ മോഡല്‍ കോളേജിലേക്ക് അതിഥി അധ്യാപക നിയമനം നടത്തുന്നു. മലയാളം, ഇംഗ്ലീഷ്, ഹിന്ദി, കോമേഴ്സ്, സൈക്കോളജി, ജോഗ്രഫി തസ്തികകളിലാണ് നിയമനം. മലയാളത്തിന് മെയ് 22നും ഇംഗ്ലീഷ്, ഹിന്ദി വിഷയങ്ങള്‍ക്ക് മെയ് 25നും  കോളേജ് ഓഫീസില്‍ രാവിലെ 10ന് അഭിമുഖം നടക്കും. കൊമേഴ്‌സ് വിഷയത്തിനുള്ള അഭിമുഖം മെയ് 26നും സൈക്കോളജി, ജിയോഗ്രഫി വിഷയങ്ങളിലേക്കുള്ള അഭിമുഖം മെയ് 28നും രാവിലെ 10ന് കോളേജ് ഓഫീസില്‍ നടക്കും. കോളേജ് വിദ്യാഭ്യാസ വകുപ്പിന്റെ ഔദ്യോഗിക പോര്‍ട്ടലില്‍ രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളും പകര്‍പ്പും സഹിതം പങ്കെടുക്കണം. ഫോണ്‍: 9496704769.

വൈത്തിരി താലൂക്ക് ആസ്ഥാന ആശുപത്രിയില്‍ കരാറടിസ്ഥാനത്തില്‍ ലാബ് ടെക്‌നീഷ്യന്‍ നിയമനം നടത്തുന്നു. ഡി.എം.എല്‍.ടി അല്ലെങ്കില്‍ അംഗീകൃത സ്ഥാപനങ്ങളില്‍ നിന്നുള്ള എം.എല്‍.ടി ബിരുദം, പാരമെഡിക്കല്‍ കൗണ്‍സില്‍ രജിസ്‌ട്രേഷന്‍എന്നിവയാണ് യോഗ്യത. പ്രായപരിധി 40 വയസ്. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും തിരിച്ചറിയല്‍ കാര്‍ഡും സഹിതം മെയ് 15ന് രാവിലെ 10ന് വൈത്തിരി താലൂക്ക് ആസ്ഥാന ആശുപത്രി സൂപ്രണ്ട് ഓഫീസില്‍ കൂടിക്കാഴ്ച്ചക്ക് എത്തണം.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്‌മെന്റിന്റെ അക്കാദമിക് ഡിവിഷനായ കില ഐ.എ.എസ് അക്കാദമിയില്‍ യു.പി.എസ്.സി പരിശീലനത്തിനുള്ള രജിസ്‌ട്രേഷന്‍ ആരംഭിച്ചു. സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികളുടെ ആശ്രിതര്‍ക്ക് 50 ശതമാനം ഫീസ് ഇളവ് ലഭിക്കും. കൂടുതല്‍ വിവരങ്ങള്‍ www.kile.kerala.gov.in/kileiasacademy വെബ്‌സൈറ്റില്‍ ലഭിക്കും. ഫോണ്‍: 049362479966, 8075768537

സംസ്ഥാന കള്ളുവ്യവസായ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് പഠന കിറ്റ് ലഭിക്കുന്നതിന് അപേക്ഷ ക്ഷണിച്ചു. സര്‍ക്കാര്‍, എയ്ഡഡ്, അണ്‍ എയ്ഡഡ് സ്‌കൂളുകളില്‍ 2026-27 വര്‍ഷത്തില്‍ ഒന്ന് മുതല്‍ ഏഴ് വരെ ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് പഠനകിറ്റിന് അര്‍ഹതയുള്ളത്. സ്ഥാപന മേധാവിയുടെ സര്‍ട്ടിഫിക്കറ്റ് അപേക്ഷയോടൊപ്പം നല്‍കണം. സര്‍ട്ടിഫിക്കറ്റില്‍ രക്ഷകര്‍ത്താവിന്റെ പേര് രേഖപ്പെടുത്തണം. അപേക്ഷയും മതിയായ രേഖകളും മെയ് 15നകം കോഴിക്കോട് വെല്‍ഫയര്‍ ഫണ്ട് ഇന്‍സ്‌പെക്ടര്‍ ഓഫീസില്‍ ലഭ്യമാക്കണം. അപേക്ഷ ഫോമുകള്‍ വെല്‍ഫയര്‍ ഫണ്ട് ഇന്‍സ്‌പെക്ടര്‍ ഓഫീസിലും യൂണിയന്‍ ഓഫീസുകളിലും ലഭ്യമാണ്.