അസാപ് കേരളയിൽ കോളേജ് വിദ്യാർത്ഥികൾക്കായി ഇൻഡസ്ട്രി റിലവന്റ് ഇന്റേൺഷിപ്പ് പ്രോഗ്രാമുകളിൽ അവസരമൊരുക്കുന്നു. ഐടി സെക്ടർ, ബാങ്കിംഗ്, ഫിനാൻസ് ആന്റ് സർവീസ്, വിഷ്വൽ മീഡിയ ആന്റ് മാർക്കറ്റിംഗ് എന്നീ സെക്ടറുകളിലെ വിവിധ ഇന്റേൺഷിപ്പ് പ്രോഗ്രാമുകളിലേക്കാണ് അവസരമുള്ളത്. പ്രായോഗിക പരിചയം, വിദഗ്ധരിൽ നിന്ന് ഹാൻഡ്‌സ് ഓൺ ട്രെയിനിംഗ്, സർട്ടിഫിക്കേറ്റ് എന്നിവ ഇതിലൂടെ ലഭിക്കും. വിദ്യാർത്ഥികൾക്ക് കരിയർ ശക്തിപ്പെടുത്താനും ജോലി ലഭ്യമാക്കാനും ഇവ സഹായിക്കും. രജിസ്റ്റർ ചെയ്യേണ്ട അവസാന തീയതി: മെയ് 12. രജിസ്റ്റർ ചെയ്യേണ്ട ലിങ്ക്: https://forms.gle/cVwM2TKAXyDadbhB9.

കേരള നിയമസഭയിലേയ്ക്കുള്ള പൊതുതിരഞ്ഞെടുപ്പുമായി ബന്ധപ്പെട്ട് കൗണ്ടിംഗ് ഡ്യൂട്ടിക്കായി നിയോഗിച്ച ഉദ്യോഗസ്ഥര്‍ക്കുള്ള സെക്കന്റ് റാന്‍ഡമൈസേഷന്‍ പൂര്‍ത്തിയായി. ഉത്തരവുകള്‍ ഓര്‍ഡര്‍ സോഫ്‌റ്റ്വെയറില്‍ https://order.ceo.kerala.gov.in എന്ന ലിങ്കിലൂടെ ഇന്ന് (മേയ് 3) രാവിലെ 8 ന് പ്രസിദ്ധീകരിക്കുമെന്ന് ജില്ലാതിരഞ്ഞെടുപ്പ് ഓഫീസറായ ജില്ലാകളക്ടര്‍ അറിയിച്ചു. കൗണ്ടിംഗ് ഡ്യൂട്ടിയ്ക്കായി നിയോഗിച്ച ഉദ്യോഗസ്ഥര്‍ക്ക് അവരുടെ ഡ്യൂട്ടി സംബന്ധിച്ച വിശദാംശങ്ങള്‍ ബന്ധപ്പെട്ട ഓഫീസുകളില്‍ നിന്നും ഓര്‍ഡര്‍ സോഫ്‌റ്റ്വെയറിലൂടെ ലഭ്യമാകും.

*പരിശീലനാര്‍ത്ഥികളുടെ പാസിംഗ് ഔട്ട് പരേഡ് നടത്തി*

തൃശ്ശൂരിലെ കേരള പോലീസ് അക്കാദമിയില്‍ പരിശീലനം പൂര്‍ത്തിയാക്കിയ 32 -എ ബാച്ചിലെ 60 സബ് ഇന്‍സ്പെക്ടര്‍മാരുടെ പാസിംഗ് ഔട്ട് പരേഡ് ഇന്ന് (മേയ് 02) രാവിലെ 07.30 ന് കേരള പോലീസ് അക്കാദമി പരേഡ് ഗ്രൗണ്ടില്‍ നടക്കും. സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര്‍ പരേഡില്‍ അഭിവാദ്യം സ്വീകരിക്കും.

നിയമസഭാ തെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ടം നിലനില്‍ക്കുന്നതിനാല്‍ മെയ് മാസത്തെ തൃശ്ശൂര്‍ താലൂക്ക് വികസന സമിതി യോഗം ഉണ്ടായിരിക്കില്ലെന്ന് താലൂക്ക് വികസന സമിതി കണ്‍വീനറായ തൃശ്ശൂര്‍ തഹസില്‍ദാര്‍ അറിയിച്ചു.

കണ്ണൂര്‍ സര്‍വകലാശാലയുടെ കീഴില്‍ പാലയാട് ഡോ. ജാനകി അമ്മാള്‍ ക്യാമ്പസിലെ ആന്ത്രോപോളജി പഠന വകുപ്പില്‍ 2026-27 അധ്യയന വര്‍ഷത്തേക്കുള്ള എം.എ ആന്ത്രോപോളജി പ്രവേശനത്തിന് അപേക്ഷ ക്ഷണിച്ചു. 45 ശതമാനം മാര്‍ക്കോടുകൂടിയ ബിരുദമാണ് യോഗ്യത. റിസള്‍ട്ട് കാത്തിരിക്കുന്നവര്‍ക്കും അപേക്ഷിക്കാം. താല്‍പര്യമുള്ളവര്‍ admissions.kannuruniversity.ac.in എന്ന കണ്ണൂര്‍ സര്‍വകലാശാലയുടെ വെബ്‌സൈറ്റ് വഴി മെയ് 24 നകം  അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ വെബ്സൈറ്റില്‍ ലഭ്യമാണ്. ഫോണ്‍: 04972766388, 04972715227.

*നാനാജി ദേശ്മുഖ് സർവ്വോത്തം പഞ്ചായത്ത് സദദ് വികാസ്  പുരസ്കാരത്തിൽ മികച്ച ബ്ലോക്ക് പഞ്ചായത്തുകളിൽ രാജ്യത്ത് ഒന്നാം സ്ഥാനം

കേരള സര്‍ക്കാരിന്റെ തൊഴില്‍ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് (കിലെ)  തിരുവനന്തപുരത്തുള്ള കിലെ-ഐ.എ.എസ് അക്കാദമിയില്‍ നടത്തുന്ന 2026-2027 വര്‍ഷത്തെ വിവിധ സിവില്‍ സര്‍വീസ് പരീക്ഷ പരിശീലനങ്ങള്‍ക്കുള്ള രജിസ്‌ട്രേഷന്‍ ആരംഭിച്ചു. ഒരു വര്‍ഷം ദൈര്‍ഘ്യമുള്ള റഗുലര്‍ ഓണ്‍ലൈന്‍/ഓഫ് ലൈന്‍ ബാച്ച്, ഓണ്‍ലൈന്‍ ഫൗണ്ടേഷന്‍ ബാച്ച്, റിപ്പീറ്റേഴ്‌സ് ബാച്ച്, മെയിന്‍സ് ബാച്ച്, എന്നിങ്ങനെ വിവിധ പരിശീലനങ്ങള്‍ക്ക് സൗജന്യമായി രജിസ്റ്റര്‍ ചെയ്യാവുന്നതാണ്.

കേരളത്തില്‍ ഒന്നാമത്

സ്വച്ഛ് സര്‍വേക്ഷണ്‍ ഗ്രാമീണ്‍ (എസ്.എസ്.ജി) 2025 റാങ്കിങ്ങില്‍ കേരളത്തില്‍ ഒന്നാം സ്ഥാനവും ദക്ഷിണ മേഖലയില്‍ രണ്ടാം സ്ഥാനവും നേടി കോഴിക്കോട് ജില്ലക്ക് അഭിമാന നേട്ടം. ഗ്രാമീണ ശുചിത്വത്തിലും മാലിന്യ സംസ്‌കരണ രംഗത്തുമുള്ള മികവാണ് ജലശക്തി മന്ത്രാലയത്തിന് കീഴിലുള്ള കുടിവെള്ള-ശുചിത്വ വകുപ്പ് നല്‍കുന്ന അംഗീകാരത്തിന് അര്‍ഹമാക്കിയത്. കേരളം, തമിഴ്‌നാട്, കര്‍ണാടക, ആന്ധ്രപ്രദേശ്, തെലങ്കാന സംസ്ഥാനങ്ങള്‍ ഉള്‍പ്പെടുന്ന ദക്ഷിണ മേഖലയിലാണ് ജില്ല രണ്ടാം സ്ഥാനം സ്വന്തമാക്കിയത്.