കെ-മാറ്റ് പ്രവേശന പരീക്ഷ ജൂണ്‍ 24 ന്; ജൂണ്‍ ഏഴ് വരെ ഓണ്‍ലൈനായി ഫീസടയ്ക്കാം

എം.ബി.എ 2018-19 അധ്യയന വര്‍ഷത്തെ പ്രവേശനത്തിനായുള്ള കെ മാറ്റ് കേരള പ്രവേശന പരീക്ഷ ജൂണ്‍ 24 ന് നടത്തും.  കേരളത്തിലെ എല്ലാ സര്‍വ്വശാലകളിലേക്കും സര്‍കലാശാലകളുടെ കീഴിലുള്ള കോളേജുകളിലേക്കും കേരള യൂണിവേഴ്‌സിറ്റിയുടെ ആഭിമുഖ്യത്തിലും പ്രവേശന മേല്‍നോട്ട സമിതിയുടെ നിയന്ത്രണത്തിലും നടത്തുന്ന പ്രവേശന പരീക്ഷക്ക് https://kmatkerala.in എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം.
    കെമാറ്റ് കേരള, സിമാറ്റ്, ക്യാറ്റ് എന്നീ പ്രവേശന പരീക്ഷകളില്‍ നിന്ന് മാത്രമേ കേരളത്തില്‍ എംബിഎ പ്രവേശനം ലഭിക്കൂ.  ഓണ്‍ലൈനായി ഫീസ് അടയ്‌ക്കേണ്ട അവസാന തീയതി ജൂണ്‍ ഏഴ്.  അവസാനവര്‍ഷ ബിരുദ വിദ്യാര്‍ത്ഥികള്‍ക്കും പരീക്ഷാഫലം പ്രതീക്ഷിക്കുന്നവര്‍ക്കും അപേക്ഷിക്കാം.  സംശയനിവാരണങ്ങള്‍ക്കും കൂടുതല്‍ വിവരങ്ങള്‍ക്കും പ്രവേശന മേല്‍നോട്ട സമിതിയുടെ തിരുവനന്തപുരം ഓഫീസിലെ 8547255133 എന്ന നമ്പറില്‍ ബന്ധപ്പെടാം.
പി.എന്‍.എക്‌സ്.1208/18