ഇത്തവണ പോളിംഗ് സ്റ്റേഷനുകളിൽ  നാല് ജീവനക്കാർ വീതം 

ഇത്തവണത്തെ തദ്ദേശ തിരഞ്ഞെടുപ്പിൽ പോളിംഗ് സ്റ്റേഷനുകളിൽ നാല് വീതം  ജീവനക്കാർ ഉണ്ടാകും. സാധാരണയായി മൂന്ന് ജീവനക്കാരെയാണ്  നിയോഗിക്കാറുള്ളത്.  എന്നാൽ കോവിഡ്  പശ്ചാത്തലത്തിൽ വോട്ടർമാരുടെ കൈകൾ സാനിറ്റൈസ്  ചെയ്യുന്നതിനായാണ്  ഒരു ഓഫീസ് അസിസ്റ്റന്റിനെക്കൂടി നിയമിക്കുന്നത്.  ഒരു പോളിംഗ് ബൂത്തിലേക്ക് 7 ലിറ്റർ സാനിറ്റൈസർ ആണ് ഇലക്ഷൻ കമ്മീഷൻ കണക്കാക്കുന്നത്.  തെരഞ്ഞെടുപ്പ് ഉദ്യോഗസ്ഥർക്ക് എൻ -95 മാസ്ക്, ഗ്ലൗസ് എന്നിവയും ഇലക്ഷൻ കമ്മീഷൻ നൽകും.