ലോകാരോഗ്യ ദിനാചരണം: റാലി നടത്തി.

    ലോകാരോഗ്യ ദിനാചരണത്തിന്റെ ഭാഗമായി സാര്‍വ്വത്രിക ആരോഗ്യ പരിരക്ഷ എല്ലാവര്‍ക്കും എല്ലായിടത്തും എന്ന സന്ദേശവുമായി സന്ദേശ റാലി നടത്തി.  തിരൂര്‍ വാഗണ്‍ട്രാജഡി ഹാളില്‍ നടന്ന സെമിനാര്‍ ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്തു. തിരൂര്‍ നഗരസഭാ ചെയര്‍മാന്‍ അഡ്വ. എസ്. ഗിരീഷ് അധ്യക്ഷനായി.  ജില്ലാ മെഡിക്കല്‍ ഓഫീസര്‍ ഡോ. കെ. സക്കീന മുഖ്യ പ്രഭാഷണം നടത്തി.  ജില്ലാ ആശുപത്രി സൂപ്രണ്ട് വിനോദ്, എന്‍.എച്ച്.എം പ്രോഗ്രാം മാനേജര്‍ എ. ഷിബുലാല്‍, ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ കെ. ബാവ, വെട്ടം ബ്ലോക്ക് മെഡിക്കല്‍ ഓഫീസര്‍ ഡോ. മുജീബുറഹിമാന്‍, തിരൂര്‍ പി.പി യൂണിറ്റ് മെഡിക്കല്‍ ഓഫീസര്‍ കെ. പ്രശാന്ത്, ഡെപ്യൂട്ടി മാസ് മീഡിയ ഓഫീസര്‍ മണി. എം.പി, ഹെല്‍ത്ത് സൂപ്പര്‍വൈസര്‍ എന്‍.സി ജോര്‍ജ് തുടങ്ങിയവര്‍ പങ്കെടുത്തു.