തെരഞ്ഞെടുപ്പ്: കണ്ട്രോള്റൂം തിങ്കളാഴ്ച (16) പ്രവര്ത്തനം ആരംഭിക്കും
തദ്ദേശ സ്വയം ഭരണ സ്ഥാപനങ്ങളിലേയ്ക്കുള്ള തെരഞ്ഞെടുപ്പുമായി ബന്ധപ്പെട്ട് ഇടുക്കി ജില്ലയില് കണ്ട്രോള്റൂം തിങ്കളാഴ്ച ( 16.11.20) പ്രവര്ത്തനം ആരംഭിക്കും. തെരഞ്ഞെടുപ്പുമായി ബന്ധപ്പെട്ട് വിവരങ്ങള് കൃത്യമായി ഏകോപിപ്പിക്കുക, തെരഞ്ഞെടുപ്പുമായി ബന്ധപ്പെട്ട ലഭിക്കുന്ന പരാതികള്, അപേക്ഷകള്, ഫോണ് സന്ദേശങ്ങള് എന്നിവ കൃത്യമായി രേഖപ്പെടുത്തി ജില്ലാ കളക്ടര്, വരണാധികാരികള്, ഉപ വരണാധികാരികള്, മറ്റ് അധികാരികള് എന്നിവര്ക്ക് കൈമാറുക, സന്ദേശങ്ങള് കൃത്യമായി തെരഞ്ഞെടുപ്പുമായി ബന്ധപ്പെട്ട ഉദ്യോഗസ്ഥരില് എത്തുന്നുണ്ടെന്ന് ഉറപ്പുവരുത്തുക, ഇ-മെയില് സന്ദേശങ്ങള് കൃത്യമായി പരിശോധിക്കുക, വരണാധികാരികള്, ഉപവരണാധികാരികള് എന്നിവര്ക്ക് ആവശ്യമെങ്കില് സാങ്കേതിക സഹായം ലഭ്യമാക്കുക എന്നിവയാണ് കണ്ട്രോള് റൂമിന്റെ പ്രവര്ത്തന ചുമതലകള്. ജില്ലാ വരണാധികാരി കൂടിയായ ജില്ലാ കളക്ടറുടെ നേരിട്ടുള്ള നിയന്ത്രണത്തിലാണ് കണ്ട്രോള് റൂമിന്റെ പ്രവര്ത്തനം.
ജില്ലാ ഇന്ഫര്മേഷന് ഓഫീസിന്റെ മുകളിലത്തെ നിലയിലെ ഹാളിലാണ് കണ്ട്രോള് റൂം ആരംഭിക്കുന്നത്. തെരഞ്ഞെടുപ്പുമായി ബന്ധപ്പെട്ട പരാതികള് അറിയിക്കുന്നതിനും സംശയം ദൂരികരിക്കുന്നതിനും പൊതുജനങ്ങള്ക്കും തെരഞ്ഞെടുപ്പുമായി ബന്ധപ്പെട്ട ഉദ്യാഗസ്ഥര്ക്കും കണ്ട്രോള് റൂമില് വിളിക്കാവുന്നതാണ്. രാവിലെ 9 മണി മുതല് രാത്രി 9 മണി വരെയാണ് കണ്ട്രോള്റൂം പ്രവര്ത്തിക്കുക.
കണ്ട്രോള് റൂം ഫോണ് നമ്പറുകള് -
04862 232400, 232440
9496328171.
- Log in to post comments