വി.എസ്.എസ്.സി മുൻ ഡയറക്ടറുടെ നിര്യാണത്തിൽ മുഖ്യമന്ത്രി അനുശോചിച്ചു

വിക്രം സാരാഭായ് സ്‌പേസ് സെന്ററിന്റെ മുൻ ഡയറക്ടർ എസ്. രാമകൃഷ്ണന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. ഐ.എസ്.ആർ.ഒ.യുടെ പ്രഗത്ഭ ശാസ്ത്രജ്ഞരിൽ ഒരാളായ അദ്ദേഹം ലോഞ്ച് വെഹിക്കിൾ സാങ്കേതികവിദ്യയിൽ അഗ്രഗണ്യനായിരുന്നു. എസ്എൽവി-3 വികസിപ്പിക്കുന്നതിൽ അബ്ദുൽ കലാമിനോടൊപ്പം നിർണായക പങ്കുവഹിച്ചു. പിഎസ്എൽവി പദ്ധതിയിലും ജിഎസ്എൽവി മാർക്ക്-3 ആവിഷ്‌ക്കരിക്കുന്നതിലും വലിയ സംഭാവനകൾ നൽകിയ ശാസ്ത്രജ്ഞനാണെന്ന് മുഖ്യമന്ത്രി അനുസ്മരിച്ചു.
പി.എൻ.എക്‌സ്. 4202/2020