മുന്നോക്ക സംവരണം; സര്‍ട്ടിഫിക്കറ്റ് ഹാജരാക്കണം
ആലപ്പുഴ: മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്ക് തൊഴിലിനും വിദ്യാഭ്യാസത്തിനും 10% സംവരണംനല്‍കി സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ട്. ഈ സാഹചര്യത്തില്‍ എംപ്ലോയ്മെന്‍റ് എക്സ്ചേഞ്ച് മുഖേനയുളള നിയമനങ്ങളില്‍ മുകളില്‍ പറഞ്ഞ ആനുകൂല്യം ലഭ്യമാക്കുന്നതിലേക്കായി എംപ്ലോയ്മെന്‍റ് എക്സ്ചേഞ്ചുകളില്‍ പേര് രജിസ്റ്റര്‍ ചെയ്തിട്ടുളള ബന്ധപ്പെട്ട വിഭാഗത്തില്‍ ഉള്‍പ്പെടുന്ന ഉദ്യോഗാര്‍ത്ഥികള്‍ ആയത് തെളിയിക്കുന്ന സര്‍ട്ടിഫിക്കറ്റ് ലഭ്യമാക്കണം. സര്‍ക്കാര്‍ നിശ്ചയിച്ച് നല്‍കിയിട്ടുളള അധികാരികളില്‍ , സംസ്ഥാന സര്‍ക്കാര്‍ ഒഴിവിലേക്ക് വില്ലേജ് ഓഫീസറുടെ പക്കല്‍ നിന്നും കേന്ദ്രസര്‍ക്കാര്‍ സ്ഥാപനങ്ങളിലേയ്ക്ക് തഹസീല്‍ദാരില്‍ നിന്നും സര്‍ട്ടിഫിക്കറ്റ് ലഭ്യമാക്കി അടിയന്തിരമായി അവരവരുടെ രജിസ്ട്രേഷന്‍ നിലനില്‍ക്കുന്ന എംപ്ലോയ്മെന്‍റ് എക്സ്ചേഞ്ചുകളില്‍ ഹാജരാക്കണം. സര്‍ട്ടിഫിക്കറ്റ് ഹാജരാക്കുന്നവര്‍ക്ക് മാത്രമേ ടി ആനുകൂല്യം ലഭിക്കുകയുളളൂവെന്ന് ജില്ല എം.പ്ലോയ്മെന്‍റ് ഓഫീസര്‍ അറിയിച്ചു.
- Log in to post comments