സാഹിത്യ ശില്‍പശാലയില്‍ അപേക്ഷ ക്ഷണിച്ചു

സാഹിത്യതത്പരരായ പട്ടിക വിഭാഗക്കാര്‍ക്ക്  സാഹിത്യാഭിരുചി വര്‍ദ്ധിപ്പിക്കുന്നതിനും സര്‍ഗവാസന പരിപോഷിപ്പിക്കുന്നതിനും പട്ടികജാതി വികസന വകുപ്പ് സാഹിത്യ ശില്പശാല സംഘടിപ്പിക്കും.  18 വയസിന് മുകളില്‍ പ്രായമുളള സാഹിത്യാഭിരുചിയുളള പട്ടികജാതി പട്ടികവര്‍ഗ വിഭാഗത്തില്‍പെട്ടവര്‍ക്ക് അപേക്ഷിക്കാം.  മറ്റു വിഭാഗത്തില്‍പെട്ട അഞ്ചു പേരെയും  ശില്പശാലയില്‍ പങ്കെടുപ്പിക്കാം.

നിശ്ചിത മാതൃകയിലുളള അപേക്ഷ, ജാതി തെളിയിക്കുന്ന സര്‍ട്ടിഫിക്കറ്റ്, ബയോഡേറ്റ, എസ്.എസ്.എല്‍.സി സര്‍ട്ടിഫിക്കറ്റിന്റെ പകര്‍പ്പ്, അപേക്ഷകന്റെ പ്രസിദ്ധീകരിച്ച/പ്രസിദ്ധീകരണ യോഗ്യമായ ഒരു സാഹിത്യസൃഷ്ടി എന്നിവ സഹീതം ചീഫ് പബ്ലിസിറ്റി ഓഫീസര്‍, പട്ടികജാതി വികസന വകുപ്പ്, കനകനഗര്‍, വെളളയമ്പലം, തിരുവനന്തപുരം എന്ന വിലാസത്തില്‍ മെയ് 25ന് വൈകുന്നേരം അഞ്ചിന് മുമ്പ് ലഭിക്കണം.  അപേക്ഷാ ഫോറം  www.scdd.kerala.gov.in ലും ചീഫ് പബ്ലിസിറ്റി ഓഫീസിലും ലഭിക്കും. ഇമെയില്‍: cposcdd@gmail.com.  ഫോണ്‍: 0471 2737218

പി.എന്‍.എക്‌സ്.1524/18