'ജാഗ്രത' ; ഇടപ്പള്ളി, പാറക്കടവ് ബ്ലോക്ക് തല പ്രചാരണം പൂർത്തിയായി.

എറണാകുളം: സംസ്ഥാന എക്സൈസ് വകുപ്പിന് കീഴിലുള്ള വിമുക്തി ലഹരി വർജന മിഷനും എറണാകുളം കുടുംബശ്രീ സ്നേഹിത ജെൻഡർ ഹെൽപ് ഡെസ്കും സംയുക്തമായി ജില്ലയിൽ നടത്തുന്ന 'ജാഗ്രത ' ക്യാമ്പയിന്റെ തുടർ പ്രവർത്തനങ്ങളുടെ ഭാഗമായി ഇടപ്പള്ളി, പാറക്കടവ് ബ്ലോക്കുകളിലെയും കളമശ്ശേരി, തൃക്കാക്കര മുനിസിപ്പാലിറ്റികളിലെയും ലഹരി വിരുദ്ധ പ്രചാരണവും കുടുംബശ്രീയംഗങ്ങൾക്കായി പരിശീലനവും പൂർത്തിയായി.  ചsങ്ങിൽ സ്നേഹിത കൗൺസിലർ കവിതാ ഗോവിന്ദ് പദ്ധതി വിശദീകരണം നടത്തി.    വിമുക്തി മിഷൻ ജില്ലാ കോർഡിനേറ്റർ കെ.എ. ഫൈസൽ അധ്യക്ഷത വഹിച്ചു.   മൂവാറ്റുപുഴ വിമുക്തി ഡി അഡിക്ഷൻ സെന്ററിലെ മെഡിക്കൽ ഓഫീസർ ഡോ.ഫാരിസ് ബഷീർ ഉദ്ഘാടനം ചെയ്തു. സൈക്യാട്രിക് സോഷ്യൽ വർക്കർ ബിബിൻ ജോർജ് ലഹരിയും ആരോഗ്യ പ്രശ്നങ്ങളും എന്ന വിഷയത്തിൽ ക്ലാസ് നയിച്ചു. കമ്യൂണിറ്റി കൗൺസിലർ രാധ ദിവാകരൻ സ്വാഗതവും കമ്യൂണിറ്റി കൗൺസിലർ ഡെയ്സി പോളി നന്ദിയും പറഞ്ഞു. ഇടപ്പള്ളി, പാറക്കടവ് ബ്ലോക്ക് പഞ്ചായത്തുകളിലെ വിവിധ ഗ്രാമപഞ്ചായത്തുകളിൽ നിന്നുള്ള കുടുംബശ്രീ വിജിലൻറ് ഗ്രൂപ്പം ഗങ്ങളാണ് പരിപാടിയിൽ പങ്കെടുത്തത്. സാമൂഹ്യ മേളയോടനുബന്ധിച്ച് ഒക്ടോബർ 10 ന് ലോക മാനസീകാരോഗ്യ ദിനത്തിലായിരുന്നു പ്രചാരണത്തിന്റെ ജില്ലാതല ഉദ്ഘാടനം നടന്നത്. ഇതിനോടകം ജില്ലയിലെ 12 ബ്ലോക്ക് പഞ്ചായത്തുകളിലായി 64 ഗ്രാമപഞ്ചായത്തുകളിൽ പരിശീലനം പൂർത്തിയായി.