മലപ്പുറം ജില്ലയ്ക്ക് മന്ത്രിമാരുടെ പ്രശംസ

പകര്‍ച്ച വ്യാധികള്‍ തടയുന്നതില്‍ മലപ്പുറം ജില്ലയുടെ പ്രവര്‍ത്തനങ്ങള്‍ക്ക് ആരോഗ്യ മന്ത്രിയുടെ പ്രശംസ. വീഡിയോ കോണ്‍ഫറന്‍സിനിടെയാണ് മന്ത്രി കെ.കെ ശൈലജ ടീച്ചര്‍ ജില്ലയെ അഭിനന്ദിച്ചത്. കഴിഞ്ഞ വര്‍ഷത്തെ അപേക്ഷിച്ച് രോഗികളുടെ എണ്ണം കുറയ്ക്കാനായത് ജില്ലയുടെ നേട്ടമാണ്. ബോധവത്കരണത്തിനായി റേഡിയോയിലും പ്രാദേശിക ചാനലുകളിലും പരസ്യം നല്‍കാനുള്ള തീരുമാനത്തെയും മന്ത്രി പ്രശംസിച്ചു. ആരോഗ്യ സന്ദേശം കൂടുതല്‍ ജനങ്ങളിലേക്കെത്തിക്കാന്‍ മലപ്പുറം ജില്ലയുടെ പ്രവര്‍ത്തനങ്ങള്‍ മാതൃകയാക്കണമെന്ന് മന്ത്രി കെ.ടി ജലീലും യോഗത്തില്‍ പറഞ്ഞു.