മൂവാറ്റുപുഴ ജനറല്‍ ആശുപത്രിയിലെ കോവിഡ് സെന്ററിലേയ്ക്ക് ഉപകരണങ്ങള്‍ കൈമാറി
മൂവാറ്റുപുഴ: മൂവാറ്റുപുഴ ജനറല്‍ ആശുപത്രിയില്‍ പ്രവര്‍ത്തിക്കുന്ന കോവിഡ് സെന്ററിലേയ്ക്ക് ആവശ്യമായ ഉപകരണങ്ങള്‍ കൈമാറി. എല്‍ദോ എബ്രഹാം എംഎല്‍എയുടെ ആസ്തി വികസന ഫണ്ടില്‍ നിന്നും അനുവദിച്ച 20-ലക്ഷം രൂപ ഉപയോഗിച്ച് വാങ്ങിയ ഉപകരണങ്ങളാണ് കൈമാറിയത്. പുതുതായി വാങ്ങിയ ഉപകരണങ്ങള്‍ എല്‍ദോ എബ്രഹാം എംഎല്‍എ ആശുപത്രി സൂപ്രണ്ട് ഡോ.ആശ വിജയന് കൈമാറി. നഗരസഭ ചെയര്‍മാന്‍ പി.പി.എല്‍ദോസ്, വൈസ്‌ചെയര്‍പേഴ്‌സണ്‍ സിനി ബിജു, സ്റ്റാന്റിംഗ് കമ്മിറ്റി ചെയര്‍മാന്‍മാരായ പി.എം.അബ്ദുല്‍ സലാം, അജി മുണ്ടാട്ട്, നിസ അഷറഫ്, പ്രതിപക്ഷ നേതാവ് ആര്‍.രാകേശ്, ആശുപത്രി സൂപ്രണ്ട് ഡോ.ആശ വിജയന്, ആര്‍.എം.ഒ ഡോ.ധന്യ.എന്‍.പി, നഗരസഭ കൗണ്‍സിലര്‍മാര്‍ എന്നിവര്‍ സംമ്പന്ധിച്ചു. ജനറല്‍ ആശുപത്രിയില്‍ പ്രവര്‍ത്തിക്കുന്ന കോവിഡ് സെന്ററിലേയ്ക്ക് അടിയന്തിരമായി ആവശ്യമായി വന്ന അത്യാധുനീക സജീകരണങ്ങളോടുകൂടിയ ഉപകരണങ്ങള്‍ വാങ്ങുന്നതിനാണ് 20-ലക്ഷം രൂപ അനുവദിച്ചത്. എമര്‍ജന്‍സി മെഡിസിന്‍ സ്റ്റോര്‍ ചെയ്യുന്നതിനായി ക്രാഷ് കാര്‍റ്റ്, വിവിധ ഇന്‍ഞ്ചക്,നുകള്‍ക്കായി ഉപയോഗിക്കുന്ന ഇന്‍ഫ്യഷന്‍ പംമ്പ്, മള്‍ട്ടി പാരമീറ്റര്‍, നിയോനറ്റല്‍ മോണിറ്റര്‍, വെന്റിലേറ്റര്‍ പേഷ്യന്റിന് ഉപയോഗിക്കുന്ന ഇലക്ട്രിക്കല്‍ സെക്ഷന്‍ അപ്പാരറ്റ്, പള്‍സും, ബോഡിയിലെ ഓക്സിജന്‍ ചെക്ക് ചെയ്യുന്ന പള്‍സ് ഓക്സി മീറ്റര്‍, കുട്ടികളുടെ പള്‍സും ബോഡിയിലെ ഓക്സിജനും ചെക്ക് ചെയ്യുന്ന പള്‍സ് ഓക്സി മീറ്റര്‍, സിറിഞ്ച് പമ്പ്, രക്തം നില്‍ക്കുന്നതിനും വെന്റിലേറ്ററില്‍ ഉപയോഗിക്കുന്ന റ്റിയൂബ് അടയ്ക്കമുള്ള ട്രോമ കെയര്‍ ക്രാഷ് കാര്‍റ്റ്, 12 ലെഡ് ഇ.സി.ജി.മെഷീന്‍, ട്രോമ എമര്‍ജന്‍സി കോട്ട്, അണുവിമുക്തമാക്കുന്നതിനുള്ള ഫ്യുമിഗേഷന്‍ ഡിസ്പെന്‍സര്‍, വെയിന്‍ ഡിറ്റക്റ്റിംഗ് ട്രാന്‍സ്മുലൈറ്റിംഗ് ഡിവൈസ്, യുറിന്‍, ബ്ലഡ് ടെസ്റ്റ് ചെയ്യുന്നതിന് മിക്സ് ചെയ്യുന്ന ഉപകരണം, ഐസിയുവില്‍ ഉപയോഗിക്കുന്ന ബെഡ്ഡ്, രോഗികളെ എടുത്ത് കൊണ്ട് പോകാന്‍ ഉപയോഗിക്കുന്ന ആധുനീക രീതിയിലുള്ള സ്ട്രച്ചര്‍ അടയ്ക്കമുള്ള ഉപകരണങ്ങളാണ് വാങ്ങി നല്‍കിയത്. ഇതോടൊപ്പം തന്നെ അടുത്തമാസം ഉദ്ഘാടനത്തിനൊരുങ്ങുന്ന ജനറല്‍ ആശുപത്രിയിലെ അഡ്മിനിസ്ട്രേറ്റീവ് ബ്ലോക്കില്‍ ആശുപത്രിയിലെ മരുന്നുകള്‍ സൂക്ഷിക്കുന്നതിനായി സജ്ജീകരിക്കുന്ന മെഡിക്കല്‍ സ്റ്റോര്‍ റൂമില്‍ രണ്ട് ടണ്ണിന്റെ ആറ് എ.സി, ഒരു ടണ്ണിന്റെ മൂന്ന് എ.സി, മരുന്നുകള്‍ സൂക്ഷിക്കുന്നതിനുള്ള അലമാരികള്‍ മറ്റ് സൗകര്യങ്ങള്‍ പുതിയ മെഡിക്കല്‍ സ്റ്റോര്‍ റൂമില്‍ ഒരുക്കുന്നതിന് 13-ലക്ഷം രൂപയും അനുവദിച്ചിട്ടുണ്ടന്ന് എല്‍ദോ എബ്രഹാം എംഎല്‍എ പറഞ്ഞു.
- Log in to post comments