ദുരിതാശ്വാസനിധിയിലേക്ക് സംഭാവന നല്‍കി

പെരുമ്പുഴ ഗ്രാമോദ്ധാരണ സര്‍വീസ് സഹകരണ ബാങ്ക് സമാഹരിച്ച 10.6 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്‍കുന്നതിനായി  ജില്ലാ കലക്ടര്‍ ബി അബ്ദുല്‍ നാസറിന് കൈമാറി. ബാങ്ക് വിഹിതമായ 10 ലക്ഷവും ജീവനക്കാരുടെ രണ്ടുദിവസത്തെ ശമ്പളവും ഡയറക്ടര്‍ ബോര്‍ഡ് അംഗങ്ങളുടെ വിഹിതവും ഉള്‍പ്പടെയാണ് 10,60,000 രൂപ നല്‍കിയത്. ഡയറക്ടര്‍ ബോര്‍ഡ് അംഗങ്ങളായ പി.സുദര്‍ശനന്‍ പിള്ള, ബി. ശ്രീധരന്‍പിള്ള, സെക്രട്ടറി എസ്. മണികണ്ഠന്‍ പിള്ള തുടങ്ങിയവര്‍ പങ്കെടുത്തു.
(പി.ആര്‍.കെ നമ്പര്‍.1110/2021)