യുവജനങ്ങളിലെ ആശങ്കയകറ്റാൻ കരിയർ കൗൺസിലിംഗ്ങ്ങുമായി നെഹ്‌റു യുവ കേന്ദ്ര

കോവിഡ് വ്യാപനവും     ലോക്‌ഡോൺ സാഹചര്യവും യുവജനങ്ങളിലും വിദ്യാർത്ഥികളിലുമുളവാക്കിയ  ആശങ്ക ,വിരസത ,മാനസിക സംഘർഷം എന്നിവ അകറ്റുന്നതിന് കേന്ദ്ര യുവജനകായിക മന്ത്രാലയത്തിൻ കിഴിലുള്ള നെഹ്‌റു യുവ കേന്ദ്ര കരിയർ കൗൺസിലിംഗ് സംഘടിപ്പിക്കുന്നു. കേരള സർവ്വകലാശാല കാര്യവട്ടം ക്യാമ്പസ് സോഷ്യോളജി വിഭാഗം , നാഷണൽ സർവീസ് സ്കീം ,യുവ വികാസ് കേന്ദ്ര ,സരോവരം കമ്യൂണിറ്റി ഡെവലൊപ്മെൻറ് സൊസൈറ്റി എന്നിവയുടെ സഹകരണത്തോടെയാണ് പരിപാടി സംഘടിപ്പിക്കുന്നത് . മുൻ അംബാസഡർ ടി .പി .ശ്രീനിവാസൻ ,ഗ്ലോബൽ ഹെൽത്ത് മിഷൻ ഡയറക്ടർ ഡോ .എസ് .എസ് ലാൽ ,കേന്ദ്ര സർവകലാശാല മുൻ രെജിസ്റ്റർ ഡോ .രാധാകൃഷ്ണൻ നായർ , കരിയർ കൗൺസിലർ  ഡോ . ഐസക്ക് തോമസ് ,സരോവരം ചെയർപേഴ്‌സൺ ഡോ . നോഹ ലാജ് എന്നിവരുടെ നേതൃത്വത്തിലാണ് കരിയർ കൗൺസിലിംഗ് നടത്തുന്നത്. " രാജ്യത്തിനകത്തും വിദേശത്തുമുള്ള ഉന്നത വിദ്യാഭ്യാസം -തൊഴിൽ സ്വയം തൊഴിൽ അവസരങ്ങൾ" എന്ന വിഷയത്തെ ആസ്പദമാക്കിയുള്ള മാർഗ്ഗ നിർദ്ദേശങ്ങളാണ് യുവജനങ്ങൾക്കും വിദ്യാർത്ഥികൾക്കും നൽകുന്നത് .   ഹയർ സെക്കൻഡറി സ്‌കൂൾ ,കോളേജുകൾ ,മറ്റ് സാങ്കേതിക സ്ഥാപനങ്ങളിലും സൗജന്യമായി വെബ്ബിനാർ സംഘടിപ്പിക്കും . താത്പര്യമുള്ള വിദ്യാഭ്യാസ സ്ഥാപന മേധാവികൾ careeryvk @ yahoo .com എന്ന ഈമെയിലിൽ സംഘടിപ്പിക്കാൻ ആഗ്രഹിക്കുന്ന തിയതി അറിയിക്കണം  .കൂടുതൽ വിവരങ്ങൾക്ക് 9037571880 എന്ന നമ്പറിൽ ബന്ധപ്പെടാവുന്നതാണ്