സ്വാതന്ത്ര്യത്തിന്റെ അമൃത് മഹോത്സവം: വെബിനാര്‍
കേന്ദ്ര വാര്‍ത്താ വിതരണ പ്രക്ഷേപണ വകുപ്പിനു കീഴില്‍ കണ്ണൂരിലുള്ള ഫീല്‍ഡ് ഔട്ട് റീച്ച് ബ്യൂറോ കണ്ണൂര്‍ കൃഷ്ണ മേനോന്‍ മെമ്മോറിയല്‍ ഗവണ്‍മെന്റ് വിമന്‍സ് കോളജ് എന്‍എസ്എസ് യൂണിറ്റുമായി ചേര്‍ന്ന് സ്വാതന്ത്ര്യത്തിന്റെ അമൃതോല്‍സവം എന്ന 'വിഷയത്തില്‍ വെബിനാര്‍ നടത്തി.
കോളജ് പ്രിന്‍സിപ്പല്‍ ഡോ. സി പി സന്തോഷ് ഉദ്ഘാടനം ചെയ്തു. ജനാധിപത്യാധിഷ്ഠിതമായ ഒരു നവലോക ക്രമം സൃഷ്ടിക്കുന്നതിനുള്ള ശ്രമമായിരുന്നു ഇന്ത്യന്‍ ദേശീയ പ്രസ്ഥാനത്തിന്റെ രൂപീകരണമെന്ന് വെബിനാറില്‍ പ്രഭാഷണം നടത്തിയ കോഴിക്കോട് മലബാര്‍ ക്രിസ്ത്യന്‍ കോളജ് ചരിത്ര വിഭാഗം അസോഷ്യേറ്റ് പ്രഫസര്‍ എം സി വസിഷ്ഠ് പറഞ്ഞു.
ഇന്ത്യ എന്ന ദേശ രാഷ്ട്രം ലോക ഭൂപടത്തില്‍ പ്രത്യക്ഷമായത് ദേശീയ പ്രസ്ഥാനത്തിനു ശേഷമാണ്. മനുഷ്യന്റെ അന്തസ്സിലും നന്മയിലും വിശ്വസിച്ചിരുന്ന പല ചിന്താധാരകളില്‍ പെട്ട ദേശീയ നേതാക്കളെ പുതു തലമുറ എത്ര ഉള്‍ക്കൊണ്ടു എന്ന് വിലയിരുത്താന്‍ സമയമായെന്നും എം സി വസിഷ്ഠ് പറഞ്ഞു.
കണ്ണൂര്‍ ജില്ലാ ഫീല്‍ഡ് പബ്ലിസിറ്റി ഓഫീസര്‍ ബിജു മാത്യു അധ്യക്ഷത വഹിച്ചു. എന്‍എസ്എസ് യൂണിറ്റ് ഭാരവാഹികളായ ഷഫ്‌ന റഫീഖ്, ഫിദ എന്നിവര്‍ സംസാരിച്ചു.
- Log in to post comments