സ്ത്രീകള്‍ക്ക് സൗജന്യ ഹ്രസ്വകാല കോഴ്സുകള്‍ : അഭിമുഖം ഇന്ന്
പാലക്കാട് ഗവ. പൊളിടെക്നിക് കോളെജില്‍ സ്ത്രീകള്‍ക്കുള്ള സൗജന്യ ഹ്രസ്വകാല കോഴ്സുകള്‍ക്ക് അപേക്ഷ ക്ഷണിച്ചു. കേന്ദ്ര നൈപുണ്യ വികസന സംരംഭകത്വ മന്ത്രാലയത്തിന്‍റെ ധനസഹായത്തോടെ കമ്മ്യുനിറ്റി ഡവലപ്പ്മെന്‍റ് ത്രൂ പൊളിടെക്നിക് പദ്ധതിയിലാണ് കോഴ്സുകള്‍ നടത്തുന്നത്. നാല് മാസത്തെ മെഷീന്‍ എംബ്രോയ്ഡറി ആന്‍ഡ് ഗവര്‍മെന്‍റ് മേക്കിങ്, പഴം-പച്ചക്കറി സംസ്ക്കരണം, ബേക്കിങ് ആന്‍ഡ് കണ്‍ഫെക്ഷനറി, ബുക്ക് ബൈന്‍ഡിങ്, ബൂട്ടീഷന്‍ ആന്‍ഡ് ഹെയര്‍ ഡ്രെസിങ് കോഴ്സുകള്‍ക്ക് 18 ന് മുകളില്‍ പ്രായമുള്ളവര്‍ക്ക് അപേക്ഷിക്കാം. വാര്‍ഷിക വരുമാനം കുറഞ്ഞവര്‍ക്കും പട്ടികജാതി-വര്‍ഗ-മറ്റ് പിന്നാക്ക വിഭാഗക്കാര്‍ക്കും മുന്‍ഗണന ലഭിക്കും. താത്പര്യമുള്ളവര്‍ ഇന്ന് (ജൂണ്‍ 13) രാവിലെ 10.30 ന് കോളെജിലെ സി.ഡി.റ്റി.പി. ഓഫീസില്‍ അഭിമുഖത്തിനെത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍ : 9495516223, 9495668597
- Log in to post comments