പ്രകൃതി പഠന ക്യാമ്പിനുള്ള അപേക്ഷ ക്ഷണിച്ചു
കേരള വനം വകുപ്പിന്റെ കോഴിക്കോട് ഉത്തരമേഖല സാമൂഹ്യവനവത്കരണവിഭാഗം കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ തെരഞ്ഞെടുത്ത പ്രകൃതി പഠന കേന്ദ്രങ്ങളില്‍ സംഘടിപ്പിക്കുന്ന ഏകദിന പ്രകൃതി പഠന ക്യാമ്പിന് സര്‍ക്കാര്‍ അംഗീകൃത വിദ്യാലയങ്ങളില്‍ നിന്നും അപേക്ഷ ക്ഷണിച്ചു.
വിദ്യാര്‍ത്ഥികളും അദ്ധ്യാപകരും ഉള്‍പ്പെടെ പരമാവധി 40 പേര്‍ അടങ്ങുന്ന പഠന സംഘങ്ങള്‍ക്കാണ് ക്യാമ്പ് അനുവദിക്കുന്നത്. പ്രകൃതി പഠന ക്യാമ്പില്‍ പങ്കെടുക്കുന്ന വിദ്യാലയങ്ങള്‍ ക്യാമ്പിലേക്കും തിരിച്ചും ഉള്ള യാത്രാചെലവ് സ്വന്തം വഹിക്കണം. ഭക്ഷണം ക്യാമ്പില്‍ നല്‍കും. വിദ്യാര്‍ഥികള്‍ക്ക് സര്‍ട്ടിഫിക്കറ്റും നല്‍കും
സര്‍ക്കാര്‍/ എയ്ഡഡ് വിദ്യാലങ്ങള്‍/ ഫോറസ്ട്രി ക്ലബ്ബ്/ ഇക്കോ ക്ലബ്ബ്/ നാച്ച്വര്‍ ക്ലബ്ബ്/ ഇ.ഡി.സി/ എല്‍.ജി.സി/എന്‍.സി.സി/ എന്‍.എസ്.എ/ എസ്.പി.സി/ ഭൂമിത്ര സേന/ സ്‌കൗട്ട്‌സ്&ഗൈഡ്‌സ്/ ഊര്‍ജ്ജ ക്ലബ്ബ്/ ആരോഗ്യക്ലബ്ബ് മുതലായവിഭാഗങ്ങള്‍ക് മുന്‍ഗണന നല്‍കും. അപേക്ഷകള്‍ അസി.ഫോറസ്റ്റ്കണ്‍സര്‍വേറ്റര്‍, സോഷ്യല്‍ ഫോറസ്ട്രി എക്സ്റ്റന്‍ഷന്‍ ഡിവിഷന്‍, വനശ്രീ മാത്തോട്ടം, പോസ്റ്റ് അരക്കിണര്‍, കോഴിക്കോട്- 673028 വിലാസത്തില്‍ ജൂണ്‍ 30- നകം നല്‍കണം. അപേക്ഷ ഫോമിന്റെ മാതൃകയ്ക്കും നിബന്ധനകള്‍ക്കും 8547603870, 8547603871 നമ്പറുകളില്‍ വിളിക്കുക.
- Log in to post comments