മികച്ച വിജയം നേടിയ വിദ്യാർഥികൾക്കും  സ്‌കൂളുകൾക്കും ആദരം; പ്രതിഭാ സംഗമം 18 ന്

ജില്ലാ പഞ്ചായത്തിന്റെ ആഭിമുഖ്യത്തിൽ ജില്ലയിൽ എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർഥികളെയും സ്‌കൂളുകളെയും ആദരിക്കുന്നതിനായി പ്രതിഭാ സംഗമം നടത്തുന്നു.  ജൂൺ 18 ന് വെള്ളയമ്പലം ജിമ്മിജോർജ് ഇൻഡോർ സ്റ്റേഡിയത്തിൽ നടക്കുന്ന പ്രതിഭാ സംഗമം വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് ഉദ്ഘാടനം ചെയ്യും.  ദേവസ്വം, ടൂറിസം, സഹകരണ വകുപ്പ് മന്ത്രി കടകംപള്ളി സുരേന്ദ്രൻ പുരസ്‌കാര വിതരണം നിർവഹിക്കും.  ജില്ലാ പഞ്ചായത്ത് പ്രസിഡന്റ് വി.കെ. മധു അധ്യക്ഷത വഹിക്കും.  മേയർ അഡ്വ. വി.കെ. പ്രശാന്ത്, ഡെപ്യൂട്ടി സ്പീക്കർ വി. ശശി, വി.എസ്. ശിവകുമാർ എം.എൽ.എ, പൊതുവിദ്യാഭ്യാസ ഡയറക്ടർ കെ.വി. മോഹൻ കുമാർ എന്നിവർ അവാർഡുകൾ വിതരണം ചെയ്യും.

ജില്ലാ പഞ്ചായത്ത് വൈസ് പ്രസിഡന്റ് അഡ്വ. ഷൈലജബീഗം, ജില്ലാ പഞ്ചായത്ത് സ്ഥിരം സമിതി അധ്യക്ഷരായ ബി.പി. മുരളി, എസ്.കെ. പ്രീജ, സി.എസ്. ഗീതാ രാജശേഖരൻ എന്നിവർ സർട്ടിഫിക്കറ്റുകൾ വിതരണം ചെയ്യും.  ജില്ലാ പഞ്ചായത്തംഗങ്ങളായ ആനാട് ജയൻ, ലതകുമാരി, കൗൺസിലർ അയിഷാ ബേക്കർ, ജനപ്രതിനിധികളായ ആർ. സുഭാഷ്, കെ. ദേവദാസൻ, ഹയർസെക്കൻഡറി ഡെപ്യൂട്ടി ഡയറക്ടർ നാരായണി, വിദ്യാഭ്യാസ ഉപഡയറക്ടർ ദീപ മാർട്ടിൻ, ജില്ലാ പഞ്ചായത്ത് സെക്രട്ടറി വി. സുഭാഷ് എന്നിവർ പ്രസംഗിക്കും.

(പി.ആർ.പി 1666/2018)