വിദ്യാലയങ്ങൾക്ക് കോവിഡ് ജാഗ്രതാ ഉപകരണങ്ങൾ കൈമാറി

എറണാകുളം: ചേന്ദമംഗലം പഞ്ചായത്തിലെ വിദ്യാലയങ്ങൾക്കുള്ള കോവിഡ് ജാഗ്രത ഉപകരണങ്ങൾ കൈമാറി. പഞ്ചായത്ത് ഓഡിറ്റോറിയത്തിൽ നടന്ന പരിപാടിയിൽ പ്രസിഡന്റ് ദിവ്യ ഉണ്ണികൃഷ്ണൻ ഉപകരണങ്ങൾ വിതരണം ചെയ്തു .

മാസ്ക്, സാനിറ്റൈസർ, തെർമൽ സ്കാനർ, സ്റ്റിക്കറുകൾ, ബ്ലീച്ചിംങ് പൗഡർ എന്നിവയാണ് വിതരണം ചെയ്തത്. വൈസ് പ്രസിഡന്റ് ബെന്നി ജോസഫ്, വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ഷൈബി തോമസ്, പഞ്ചായത്ത് അംഗങ്ങളായ ഷിപ്പി സെബാസ്റ്റ്യൻ, വി.യു.ശ്രീജിത്ത്, വി.എം.മണി, പ്രധാന അധ്യാപകരായ ഹരീഷ്, ഷൈനി എന്നിവർ പങ്കെടുത്തു.