വനിതാ വികസന കോർപ്പറേഷൻ അതിവേഗ വ്യക്തിഗത / ഗ്രൂപ്പ് വായ്പകൾ നൽകുന്നു

കേരള സംസ്ഥാന വനിതാ വികസന കോർപ്പറേഷൻ അതിവേഗ വ്യക്തിഗത / ഗ്രൂപ്പ് വായ്പകൾ നൽകുന്നു. നിശ്ചിത വരുമാന പരിധിയിലുള്ള തൊഴിൽരഹിതരായ 18 നും 55 നും മധ്യേ  പ്രായമുള്ള വനിതകൾക്ക് അപേക്ഷിക്കാം. അഞ്ചുവർഷ തിരിച്ചടവ് കാലാവധിയിൽ 6% പലിശ നിരക്കിലാണ് വായ്പ അനുവദിക്കുന്നത്. വായ്പക്ക് ഉദ്യോഗസ്ഥ ജാമ്യമോ വസ്തു ജാമ്യമോ നൽകണം. അപേക്ഷ ഫോമുകൾ www.kswdc.org എന്ന വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷകൾ എറണാകുളം മേഖല ഓഫീസിൽ സമർപ്പിക്കണം. 

കൂടാതെ മൈക്രോഫിനാൻസ് പദ്ധതിയിൽ കുടുംബശ്രീ സി ഡി എസിന് 3% മുതൽ 3.5 % പലിശനിരക്കിൽ 1.5 കാേടി വരെ വായ്പ അനുവദിക്കും. സി ഡി എസിന് കീഴിൽ  എസ് എച്ച് ജി ക്ക് 10 ലക്ഷം രൂപ വരെയും, ഹരിത കർമ്മസേന / ശുചീകരണ തൊഴിലാളി എന്നിവയ്ക്ക് 6 ലക്ഷം രൂപ വരെയും വായ്പ ലഭിക്കും. കൂടുതൽ വിവരങ്ങൾക്ക് 0484 2984932, 9496015008.