കുടുംബശ്രീ വാര്‍ഷിക സംഗമം
വള്ളിക്കോട് ഗ്രാമപഞ്ചായത്തിലെ കുടുംബശ്രീ വാര്‍ഷിക സംഗമം വള്ളിക്കോട് ഗ്രാമപഞ്ചായത്ത് ഓഡിറ്റോറിയത്തില്‍ അടൂര്‍ പ്രകാശ് എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ലിസിമോള്‍ ജോസഫ് അധ്യക്ഷത വഹിച്ച ചടങ്ങില്‍ മുന്‍ എംപിയും കുടുംബശ്രീ ഗവേണിംഗ്‌ബോഡി അംഗവുമായ സി.എസ്.സുജാത മുഖ്യപ്രഭാഷണം നടത്തി. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി മാച്ചിംഗ് ഗ്രാന്റ് വിതരണം ചെയ്തു. കോന്നി ബ്ലോക്ക് പഞ്ചായത്ത് പ്രസിഡന്റ് കോന്നിയൂര്‍ പി.കെ, ജില്ലാ പഞ്ചായത്ത് വികസനകാര്യ സ്ഥിരംസമിതി അധ്യക്ഷത എലിസബത്ത് അബു, ബ്ലോക്ക് പഞ്ചായത്ത് വൈസ്പ്രസിഡന്റ് റോസമ്മ ബാബുജി, ഗ്രാമപഞ്ചായത്ത് വൈസ് പ്രസിഡന്റ് മണിലാല്‍, അംഗങ്ങളായ ജയശ്രീ സുരേഷ്, നിര്‍മല സാം, വി.ഷൈജു, അമ്പിളി ജി.നായര്‍, പ്രസന്ന രാജന്‍, എം.പി.ജോസ്, കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ എസ്.സാബിര്‍ ഹുസൈന്‍ തുടങ്ങിയവര്‍ പങ്കെടുത്തു. (പിഎന്‍പി 1739/18)
- Log in to post comments