ഭരണഭാഷാ വാരാചരണം ജില്ലാ തല സമാപനം ഇന്ന്

ജില്ലയില്‍ ഒരാഴ്ചയായി വിവിധ പരിപാടികളോടെ നടക്കുന്ന ഭരണഭാഷ വാരാചണത്തിന് ഇന്ന്  (നവംബര്‍ 7) സമാപനമാവും. ജില്ല തല സമാപനം മഞ്ചേരി ഗവ ഗേള്‍സ് ഹയര്‍സെക്കന്ററി സ്‌കൂളില്‍ ഉച്ചക്ക് രണ്ടിന് നടക്കും. ഇന്‍ഫര്‍മേഷന്‍-പബ്‌ളിക് റിലേഷന്‍സ് വകുപ്പ് മഞ്ചേരി പബ്‌ളിക് ലൈബ്രറിയുമായി സഹകരിച്ച് നടത്തുന്ന പരിപാടി അഡ്വ.എം.ഉമ്മര്‍ ഉദ്ഘാടനം ചെയ്യും. പരിപാടിയില്‍ മലയാള ഭാഷയും സംസ്‌കാരവും എന്ന വിഷയത്തില്‍ എഴുത്തുകാരനും സാംസ്‌കാരിക പ്രവര്‍ത്തകനുമായ പി.ടി.മണികണ്ഠന്‍ ക്ലാസ്സെടുക്കും.