ചലച്ചിത്രോത്സവം സമാപിച്ചു
തിരൂര്‍ തുഞ്ചത്തെഴുത്തച്ഛന്‍ മലയാളസര്‍വകലാശാലയില്‍ രണ്ട് ദിവസമായി നടന്ന അന്തര്‍ദേശീയ ചലച്ചിത്രോത്സവം 'ദര്‍ശിനി 2018' സമാപിച്ചു. വിട്ടുവീഴ്ചകളില്ലാതെ സിനിമ വ്യവസായത്തില്‍ നിലനില്‍ക്കാന്‍ സാധിക്കില്ലെന്നും അത്തരത്തിലുള്ള വിട്ടുവീഴ്ചകള്‍ക്ക് പലപ്പോഴും വിധേയമായിട്ടുണ്ടെന്നും സമാപന സമ്മേളനം ഉദ്ഘാടനം ചെയ്ത് ചലച്ചിത്ര സംവിധായകന്‍ പ്രിയനന്ദനന്‍ പറഞ്ഞു. കാമ്പസിലെ ചിത്രശാല, രംഗശാല, അരവിന്ദന്‍ ഹാള്‍, പി.എ ബക്കര്‍ ഹാള്‍ എന്നീ നാലു തീയറ്ററുകളിലായി മുപ്പത്തിഅഞ്ചോളം ചിത്രങ്ങളാണ് പ്രദര്‍ശിപ്പിച്ചത്.
രജിസ്ട്രാര്‍ ഇന്‍ ചാര്‍ജ് ഡോ. ടി. അനിതകുമാരി അദ്ധ്യക്ഷത വഹിച്ചു. ഡോ. സുധീര്‍ ഷാ സലാം, ഇ.ആര്‍. അനില്‍ കുമാര്‍, മുഹമ്മദ് മര്‍ഷൂഖ്, ടി.പി. അഭിജിത്ത് , അമൃത സുദര്‍ശന്‍ എന്നിവര്‍ സംസാരിച്ചു. സമാപനചിത്രങ്ങളായി പ്രിയനന്ദന്റെ 'അശാന്തം' സഞ്ജു സുരേന്ദ്രന്‍ സംവിധാനം ചെയ്ത 'ഏദന്‍' എന്നിവ പ്രദര്‍ശിപ്പിച്ചു.
- Log in to post comments