പ്രവേശന പരീക്ഷാ പരിശീലനത്തിന് ധനസഹായം
സര്‍ക്കാര്‍/എയ്ഡഡ് ഉള്‍പ്പെടെയുളള പ്രമുഖ സ്ഥാപനങ്ങളില്‍ മെഡിക്കല്‍ എഞ്ചിനീയറിങ് പ്രവേശന പരീക്ഷാ പരിശീലനം നടത്തുന്ന പട്ടികജാതി വിദ്യാര്‍ഥികള്‍ക്ക് ധനസഹായത്തിന് അപേക്ഷിക്കാം. നിലവില്‍ സയന്‍സ് വിഷയമെടുത്ത പ്ലസ് വണ്‍ വിദ്യാര്‍ഥികള്‍ക്കാണ് അവസരം. എസ്.എസ്.എല്‍.സിക്ക് എല്ലാ വിഷയങ്ങള്‍ക്കും ചുരുങ്ങിയത് ബി.പ്ലസ് ഗ്രേഡില്‍ കുറയാതെ മാര്‍ക്ക് നേടിയവരും കുടുംബവാര്‍ഷിക വരുമാനം 4.5 ലക്ഷം രൂപയില്‍ കുറവുളളവരുമാകണം അപേക്ഷകര്‍.
നിശ്ചിത മാതൃകയിലുളള അപേക്ഷ ജാതി, വരുമാനം, വിദ്യാഭ്യാസ യോഗ്യത, എസ്.എസ്.എല്‍.സി മാര്‍ക്ക് ലിസ്റ്റ്, ബാങ്ക് അക്കൗണ്ട് പാസ് ബുക്കിന്‍റെ പകര്‍പ്പ്, ഇപ്പോള്‍ കോച്ചിങ് നടത്തുന്ന സ്ഥാപനത്തില്‍ നിന്നുളള സാക്ഷ്യപത്രവും ഫീസ് അടച്ച രസീതും സാക്ഷ്യപ്പെടുത്തിയ പകര്‍പ്പുകളും സഹിതം ജൂലൈ 31 ന് മുമ്പ് ജില്ലാപട്ടികജാതി വികസന ഓഫീസര്‍ക്ക് സമര്‍പ്പിക്കണം.
വിശദവിവരങ്ങളും മാതൃക അപേക്ഷാ ഫോറവും ജില്ലാ/ബ്ലോക്ക്/മുനിസിപ്പല്‍ പട്ടികജാതി വികസന ഓഫീസുകളില്‍ ലഭിക്കും.
- Log in to post comments