വടക്കന്‍ മേഖല ഡാക്ക് അദാലത്ത് 23ന്

കേരള പോസ്റ്റല്‍ സര്‍ക്കിള്‍ വടക്കന്‍ മേഖല ഡാക്ക് അദാലത്ത് സെപ്റ്റംബര്‍ 23ന് വൈകീട്ട് മൂന്നിന് വീഡിയോ കോണ്‍ഫറന്‍സായി കോഴിക്കോട് നടക്കാവില്‍ പ്രവര്‍ത്തിക്കുന്ന വടക്കന്‍ മേഖല പോസ്റ്റ് മാസ്റ്റര്‍ ജനറലിന്റെ ഓഫീസില്‍ നടക്കും. കാസര്‍കോട്, പാലക്കാട് റവന്യൂ ജില്ലകളില്‍ നിന്നുള്ള തപാല്‍ കത്തുകള്‍, മണി ഓര്‍ഡറുകള്‍, പാര്‍സല്‍, സ്പീഡ് പോസ്റ്റ്, സേവിങ് ബാങ്ക് തുടങ്ങിയ തപാല്‍ വകുപ്പിന്റെ സേവനങ്ങള്‍ സംബന്ധിച്ചുള്ള പരാതികള്‍ പരിഗണിക്കും. അദാലത്തിലേക്കുള്ള പരാതികള്‍ കെ. മനോജ്, അസി.ഡയറക്ടര്‍,  പോസ്റ്റ്മാസ്റ്റര്‍ ജനറല്‍ ഓഫീസ്, വടക്കന്‍ മേഖല, നടക്കാവ്, കോഴിക്കോട് 673011 എന്നവിലാസത്തില്‍ സെപ്റ്റംബര്‍ 15ന് മുന്‍പായി ലഭിക്കണം. കവറിന്റെ പുറത്ത് ഡാക്ക് അദാലത്ത് എന്ന് എഴുതേണ്ടതാണ്. ഫോണ്‍: 04994 230885, 230746.