ജില്ലയില്‍ പത്താംതരം തുല്യത പരീക്ഷ എഴുതുന്നത് 1147 പേര്‍

കേരള സംസ്ഥാന സാക്ഷരതാമിഷന്‍ അതോറിറ്റിയുടെ നേതൃത്വത്തില്‍ നടക്കുന്ന പത്താംതരം തുല്യത (15-ാം ബാച്ച്) പൊതുപരീക്ഷ ആരംഭിച്ചു. ജില്ലയിലെ 19 സ്‌കൂളുകളിലായി 528 സ്ത്രീകളും 619 പുരുഷന്മാരുമുള്‍പ്പടെ 1147 പേരാണ് പരീക്ഷ എഴുതുന്നത്. ജില്ലയിലെ ഏറ്റവും പ്രായം കൂടിയ പഠിതാവ് ജി.എച്ച്.എസ്.എസ്. കൊടുവായൂര്‍ കേന്ദ്രത്തില്‍ പരീക്ഷ എഴുതുന്ന കൊടുവായൂര്‍ സ്വദേശിനിയായ 72 വയസുകാരി സത്യഭാമയാണ്. സെപ്റ്റംബര്‍ 23 ന് പരീക്ഷ അവസാനിക്കുമെന്ന് ജില്ലാ സാക്ഷരതാ മിഷന്‍ ജില്ലാ കോര്‍ഡിനേറ്റര്‍ ഡോ. മനോജ് സെബാസ്റ്റിയന്‍ അറിയിച്ചു.