പോസ്റ്റ് ബേസിക് ഡിപ്ലോമ നഴ്‌സിംഗ് : 27 വരെ അപേക്ഷിക്കാം
തിരുവനന്തപുരം, കോട്ടയം ഗവണ്‍മെന്റ് നഴ്‌സിംഗ് കോളേജുകളില്‍ നടത്തിവരുന്ന ക്രിറ്റിക്കല്‍ കെയര്‍ നഴ്‌സിംഗ്, എമര്‍ജന്‍സി & ഡിസാസ്റ്റര്‍ നഴ്‌സിംഗ്, ഓങ്കോളജി നഴ്‌സിംഗ്, ന്യൂറോ സയന്‍സ് നഴ്‌സിംഗ്, കാര്‍ഡിയോ തൊറാസിക് നഴ്‌സിംഗ്, നിയോനാറ്റല്‍ നഴ്‌സിംഗ്, നഴ്‌സ് മിഡ്‌വൈഫറി പ്രാക്റ്റീഷണര്‍ എന്നീ പോസ്റ്റ് ബേസിക് ഡിപ്ലോമ നഴ്‌സിംഗ് കോഴ്‌സുകള്‍ക്ക് 2018 - 19 വര്‍ഷത്തെ പ്രവേശനത്തിന് ജൂലൈ 27 വരെ അപേക്ഷിക്കാം. പ്രേസ്‌പെക്ടസ് www.lbscentre.kerala.gov.in ല്‍ പ്രസിദ്ധീകരിച്ചിട്ടുണ്ട്. അപേക്ഷകര്‍ക്ക് 28 വരെ വ്യക്തിഗത വിവരങ്ങള്‍ ഓണ്‍ലൈന്‍ ആയി www.lbscentre.kerala.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യാം. അപേക്ഷകള്‍ ജൂലൈ 30 ന് വൈകിട്ട് അഞ്ചുമണിയ്ക്കകം ഡയറക്ടര്‍, എല്‍. ബി. എസ് സെന്റര്‍ ഫോര്‍ സയന്‍സ് & ടെക്‌നോളജി, നന്ദാവനം, പാളയം, തിരുവനന്തപുരം എന്ന വിലാസത്തില്‍ അയച്ചുതരണം. അപേക്ഷാഫീസ് പൊതുവിഭാഗത്തിന് 800 രൂപയും പട്ടികജാതി/പട്ടികവര്‍ഗവിഭാഗത്തിന് 400 രൂപയും. അപേക്ഷകര്‍ ഫിസിക്‌സ്, കെമിസ്്രടി, ബയോളജി ഐശ്ചിക വിഷയമായി എടുത്ത് പ്ലസ്ടു പരീക്ഷ പാസായിരിക്കണം. കൂടാതെ 50 ശതമാനം മാര്‍ക്കോടെ ഇന്ത്യന്‍ നഴ്‌സിംഗ് കൗണ്‍സിലും ബന്ധപ്പെട്ട സ്റ്റേറ്റ് കൗണ്‍സിലും അംഗീകരിച്ച ബി.എസ്.സി നഴ്‌സിംഗ്/പോസ്റ്റ് ബേസിക് ബി.എസ്‌സി നഴ്‌സിംഗ്/ GNM കോഴ്‌സ് പരീക്ഷ പാസായിരിക്കണം. ഉയര്‍ന്ന പ്രായപരിധി 45 വയസ്. സര്‍വീസ് ക്വാട്ടയിലേക്കുള്ള അപേക്ഷാര്‍ത്ഥികള്‍ക്ക് 49 വയസാണ്. സര്‍വീസ് ക്വാട്ടാ അപേക്ഷകര്‍ക്ക് പഠന കാലയളവില്‍ വേതനവും മറ്റ് ആനുകൂല്യങ്ങളും പുതിയ സര്‍ക്കാര്‍ ഉത്തരവ് പ്രകാരം അനുവദിച്ചിട്ടുണ്ട്. ഫോണ്‍: 0471 2560361, 362, 363, 364, 365.
പി.എന്‍.എക്‌സ്.3095/18
- Log in to post comments