ജീവിത ശൈലി രോഗ പ്രതിരോധ ക്യാമ്പ് നടത്തി

ജീവിത ശൈലി രോഗങ്ങളെ തുടക്കഘട്ടത്തിൽ തന്നെ കണ്ടെത്തി തടയുക എന്ന ലക്ഷ്യത്തിൻ്റെ ഭാഗമായി നാദാപുരം ഗ്രാമ പഞ്ചായത്ത് രണ്ടാം വാർഡ് ആരോഗ്യ ശുചിത്വ സമിതിയുടെ ആഭിമുഖ്യത്തിൽ ജീവിത ശൈലി രോഗ പ്രതിരോധ ക്യാമ്പ് നടത്തി.

പ്രമേഹം , പ്രഷർ തുടങ്ങിയ ജീവിതശൈലി രോഗ പരിശോധനയും ബോധവൽക്കരണവും ക്യാമ്പിൻ്റെ ഭാഗമായി സംഘടിപ്പിച്ചു.

ഗ്രാമ പഞ്ചായത്ത് വികസന സ്റ്റാൻ്റിങ്ങ് കമ്മിറ്റി ചെയർമാൻ സി.കെ നാസർ ക്യാമ്പ് ഉദ്ഘാടനം ചെയ്തു .

വാർഡ് വികസന സമിതി കൺവീനർ ഷഹീർ മുറിച്ചാണ്ടി അധ്യക്ഷത വഹിച്ചു. ആശാവർക്കർ പി.പി ഷൈമ , അബു കാപ്പാറോട്ട് ,സുനിൽ പാറക്കുന്നത്ത് , പി കെ റഫീഖ് , പി.പി റസാഖ് , കെ എം സി അമ്മദ് ഹാജി,ബീന മാവിലപ്പാടി എന്നിവർ സംസാരിച്ചു. രണ്ടാം വാർഡിലെ നൂറുക്കണക്കിനാളുകൾ ക്യാമ്പിലെത്തി പരിശോധന നടത്തി.