റാന്നിയിലെ റോഡുകളുടെ അറ്റകുറ്റപ്പണികള്‍ക്ക് 3.041 കോടി രൂപ അനുവദിച്ചു

റാന്നി നിയോജകമണ്ഡലത്തിലെ വിവിധ പൊതുമരാമത്ത് വകുപ്പ് റോഡുകളുടെ അറ്റകുറ്റപ്പണികള്‍ക്കായി 3.041 കോടി രൂപ അനുവദിച്ചതായി അഡ്വ. പ്രമോദ് നാരായണ്‍ എംഎല്‍എ പറഞ്ഞു. പൊതുമരാമത്ത് വകുപ്പ് റാന്നി സെക്ഷനില്‍ ഉള്ള പൂവനക്കടവ് -ചെറുകോല്‍പ്പുഴ, അയിരൂര്‍ -പുതിയകാവ് ടെമ്പിള്‍, പകുതി കച്ചേരിപ്പടി -ചെറുകോല്‍പ്പുഴ റോഡ്, കാഞ്ഞീറ്റുകര റോഡ്, വൈക്കം - വയലാപ്പടി റോഡ്, പ്ലാങ്കമണ്‍ - ഇടത്രാമണ്‍ റോഡ്, ഉതിമൂട് -പേരൂച്ചാല്‍ റോഡ്, കുമ്പനാട് - ചെറുകോല്‍പ്പുഴ റോഡ്, ശബരിമല വില്ലേജ് റോഡ് വാഴക്കുന്നം മുതല്‍ ചെറുകോല്‍പ്പുഴ റോഡ് വരെ, ചാക്കപ്പാലം -കടമ്മനിട്ട റോഡ്, മേലുകര -റാന്നി, പുതമണ്‍ - കുട്ടത്തോട് റോഡ്, തെക്കേപ്പുറം -പന്തളമുക്ക് റോഡ്, കാവുമുക്ക് - തോട്ടാവള്ളി പടി റോഡ്, ചെറുകോല്‍പ്പുഴ - റാന്നി റോഡ്, ചേത്തക്കല്‍ - കൂത്താട്ടുകുളം റോഡ്, അത്തിക്കയം - മടന്തമണ്‍ - വെച്ചൂച്ചിറ റോഡ്, വെച്ചുച്ചിറ -മണിപ്പുഴ റോഡ്, ചെത്തോംകര - അത്തിക്കയം, കല്യാണിമുക്ക് -അലിമുക്ക്, ജണ്ടായിക്കല്‍ - അത്തിക്കയം റോഡ്, മുക്കട - ഇടമണ്‍ -അത്തിക്കയം റോഡ്, ഒഴുവന്‍പാറ വടശേരിക്കര റോഡ്, പേരുച്ചാല്‍ - കാട്ടാത്താനി റോഡ്.

പെരുനാട് സെക്ഷനിലെ പെരുന്തേനരുവി - പെരുനാട് റോഡ്, മൂഴിയാര്‍ ലിങ്ക് റോഡ്, മനോരമ മുക്ക് -ചെങ്ങറ മുക്ക് റോഡ്, ബംഗ്ലാം കടവ് - മുക്കം റോഡ് വെണ്ണിക്കുളം സെക്ഷനിലെ വെണ്ണിക്കുളം - റാന്നി റോഡ്, തുണ്ടിയില്‍ കടവ് - എഴുമറ്റൂര്‍ റോഡ്, വൃന്ദാവനം -മുക്കുഴി, പിസി റോഡ്, പെരുമ്പെട്ടി, കോട്ടാങ്ങല്‍, കുമ്പളന്താനം എന്നീ റോഡുകളുടെ അറ്റകുറ്റപ്പണികള്‍ക്കാണ് ഫണ്ട് അനുവദിച്ചിരിക്കുന്നത്.