ക്ലീന് ആന്റ് ഗ്രീന് ഏരൂര് പുര്ത്തീകരണത്തിന്റെ ഉദ്ഘാടനം ജില്ലാ കലക്ടര് നിര്വ്വഹിച്ചു
മാലിന്യ മുക്ത നവകേരളം പദ്ധതിയുടെ ഭാഗമായി ഏരൂര് ഗ്രാമപഞ്ചായത്ത് ഏറ്റെടുത്ത ക്ലീന് ആന്റ് ഗ്രീന് ഏരൂര് എന്ന പദ്ധതി വിവിധ ഘട്ടങ്ങളിലൂടെ പൂര്ത്തീകരിച്ചതിന്റെ ഉദ്ഘാടനം ജില്ലാ കലക്ടര് അഫ്സാന പര്വീണ് നിര്വഹിച്ചു. ജില്ലയില് ആദ്യമായി ഖരമാലിന്യ പരിപാലനത്തില് സമ്പൂര്ണ ശുചിത്വ പദവി കൈവരിച്ച പ്രഖ്യാപനം നടത്തുന്നതില് അഭിമാനകരമാണ്. മുഴുവന് വീടുകളിലും സ്ഥാപനങ്ങളിലും ക്യൂ ആര് കോഡ് പതിച്ച് വിവരശേഖരണം നടത്തിയത് മാതൃകാപരമെന്നും കലക്ടര് പറഞ്ഞു.
ഏരൂര് ഗ്രാമപഞ്ചായത്ത് ചിട്ടയായ പ്രവര്ത്തനത്തിലൂടെ ഹരിതകര്മസേനയുടെ 100 ശതമാനം വാതില്പ്പടി ശേഖരണവും യൂസര്ഫി കളക്ഷനും പൂര്ത്തീകരിച്ചിട്ടുണ്ട്. മാലിന്യ നിര്മാര്ജന പ്രവര്ത്തനങ്ങള് മോണിറ്റിങ് ചെയ്യുന്നതിനും ഏകോപിപ്പിക്കുന്നതിനുമായി കെല്ട്രോണ് വികസിപ്പിച്ചിട്ടുള്ള സ്മാര്ട്ട് ഗാര്ബേജ് മോണിറ്ററിംഗ് മൊബൈല് ആപ്ലിക്കേഷന്റെ പ്രവര്ത്തനവും പഞ്ചായത്തില് നടന്നുവരുന്നു.
ഓയില് ഫാമിലെ അസംസ്കൃത വസ്തുക്കളില് നിന്നുള്ള മുഴുവന് മാലിന്യങ്ങളും സംസ്കരിക്കുന്നതിനായി ഗോബര്ധന് പദ്ധതിയില് 65 ലക്ഷം രൂപ മുടക്കി ജില്ലയിലെ ആദ്യ ബയോഗ്യാസ് പ്ലാന്റിന്റെ നിര്മ്മാണവും പുരോഗമിക്കുന്നു. പഞ്ചായത്തിലെ 19 വാര്ഡുകളിലും മതിയായ എണ്ണം മിനി എം സി എഫ് ഒരുക്കിയിട്ടുണ്ട്.
ഏരൂര് മാര്ക്കറ്റ് ആധുനിക രീതിയില് ശുചിത്വ സംവിധാനങ്ങള് ഒരുക്കി നവീകരിക്കുകയും മാര്ക്കറ്റിനോട് ചേര്ന്ന് തന്നെ വിപുലമായ സൗകര്യത്തോട് കൂടിയ എം സി എഫ്, ബെയിലിംഗ് മിഷന്, ബെയിംഗ് മിഷന്, ഹരിതകര്മ സേനയുടെ ഓഫീസ് സൗകര്യം, പ്രധാന ജംഗ്ഷനുകളില് ബോട്ടില് ബൂത്ത്, സ്കൂളുകളിലും സ്ഥാപനങ്ങളിലും ജൈവമാലിന്യ സംസ്കരണത്തിന് സംവിധാനങ്ങള് എന്നിവ ഏര്പ്പെടുത്തിയിട്ടുണ്ട്. 1330 വീടുകളില് ബയോബിന് വിതരണം ചെയ്തു. മാലിന്യങ്ങള് വലിച്ചെറിയുന്ന ഒഴിഞ്ഞ സ്ഥലത്ത് 20 സി സി ടി വിയും ക്യാമറകള് സ്ഥാപിച്ചു.
ഗ്രാമപഞ്ചായത്ത് പ്രസിഡന്റ് റ്റി അജയന് അദ്ധ്യക്ഷനായി. ഐ എം എ യുടെ നിയുക്ത ദേശീയ പ്രസിഡന്റ് ഡോ. ആര്.വി. അശോകന് മുഖ്യാതിഥിയായി. ഗ്രാമപഞ്ചായത്ത് വൈസ് പ്രസിഡന്റ് ചിന്നു വിനോദ്, ബ്ലോക്ക് പഞ്ചായത്ത് പ്രസിഡന്റ് രാധാരാജേന്ദ്രന്, ജില്ലാ പഞ്ചായത്ത് അംഗങ്ങളായ കെ ഷാജി, സി അംബിക കുമാരി,
നവകേരളം കര്മ്മ പദ്ധതി കോഡിനേറ്റര് എസ് ഐസക്, വികസന സ്റ്റാന്റിംഗ് കമ്മിറ്റി ചെയര്മാന് ഏരൂര് ഷൈന് ബാബു, ത്രിതല പഞ്ചായത്ത് അംഗങ്ങള്, വിവിധ വകുപ്പ് തല ഉദ്യോഗസ്ഥര്,ഹരിത കര്മ്മ സേന, അംഗന്വാടി അധ്യാപകര്, കുടുംബശ്രീ യൂണിറ്റുകള് എന്സിസി കേഡറ്റുകള് എന്നിവര് ചടങ്ങില് പങ്കെടുത്തു.
- Log in to post comments