വിദ്യാഭ്യാസ ആനുകൂല്യം; അപേക്ഷ ക്ഷണിച്ചു
കേരള തൊഴിലാളി ക്ഷേമനിധി ബോര്ഡിലെ വരിക്കാരായ തൊഴിലാളികളുടെ മക്കള്ക്ക് 2023- 24 വര്ഷത്തേക്കുള്ള വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. 2023 -24 അധ്യയന വര്ഷത്തില് 8, 9, 10, പ്ലസ് വണ്, ഡിഗ്രി, പി.ജി, പ്രൊഫഷണല് കോഴ്സുകള്, പ്രൊഫഷണല് പി.ജി കോഴ്സുകള്, മെഡിക്കല് എഞ്ചിനീയറിങ് എന്ട്രന്സ് കോച്ചിംഗ്, സിവില് സര്വീസ് കോച്ചിംഗ് എന്നീ കോഴ്സുകള്ക്ക് പഠിക്കുന്നവര്ക്ക് ഓണ്ലൈനായി അപേക്ഷ സമര്പ്പിക്കാം. പാരലല് സ്ഥാപനങ്ങളില് പഠിക്കുന്നവര് അപേക്ഷിക്കേണ്ടതില്ല. മുന് അധ്യയന വര്ഷങ്ങളില് ആനുകൂല്യം ലഭിച്ചിട്ടുള്ളവര്ക്ക് ആനുകൂല്യം പുതുക്കുന്നതിനുള്ള അപേക്ഷ ഓണ്ലൈനായി സമര്പ്പിക്കാം. അപേക്ഷകന് ജോലി ചെയ്യുന്ന സ്ഥാപന ഉടമയുടെ സാക്ഷ്യപത്രം, വിദ്യാര്ത്ഥി പഠിക്കുന്ന സ്ഥാപനത്തിന്റെ മേലധികാരി നല്കുന്ന സാക്ഷ്യപത്രം എന്നിവയുടെ മാതൃക വെബ്സൈറ്റില് നിന്നും ഡൗണ്ലോഡ് ചെയ്ത് സാക്ഷ്യപ്പെടുത്തിയ ശേഷം അപേക്ഷയോടൊപ്പം സമര്പ്പിക്കണം. അപേക്ഷകള് ഡിസംബര് 20 നകം www.labourwelfarefund.in എന്ന വെബ്സൈറ്റ് മുഖേന ഓണ്ലൈനായി സമര്പ്പിക്കണം. ഓഫ് ലൈന് അപേക്ഷകള് സ്വീകരിക്കുന്നതല്ല.
- Log in to post comments