മത്സ്യത്തൊഴിലാളികൾക്ക് ചൂണ്ടയും നൂലും

പരമ്പരാഗത മത്സ്യതൊഴിലാളികൾക്ക് ആഴക്കടൽമത്സ്യബന്ധനത്തിന് ചൂണ്ടയും നൂലും നൽകുന്ന പദ്ധതിയിലേക്ക് ഫിഷറീസ് വകുപ്പ് അപേക്ഷകൾ ക്ഷണിച്ചു. പദ്ധതി യൂണിറ്റ് കോസ്റ്റിന്റെ 75 ശതമാനം സർക്കാർ സബ്‌സിഡി ധനസഹായമായി ലഭിക്കും. ആഴക്കടൽ മത്സ്യബന്ധനത്തിൽ സജീവമായി ഏർപ്പെടുന്നതും നിയമപരമായി രജിസ്‌ട്രേഷൻ/ലൈസൻസുള്ളതുമായ യാനങ്ങൾ സ്വന്തമായുള്ളതും കേരള മത്സ്യത്തൊഴിലാളി ക്ഷേമനിധി ബോർഡിന് കീഴിൽ രജിസ്റ്റർ ചെയ്തിട്ടുളളതുമായ മത്സ്യതൊഴിലാളികൾക്ക് അപേക്ഷിക്കാമെന്ന് തിരുവനന്തപുരം മേഖല ഫിഷറീസ് ഡെപ്യൂട്ടി ഡയറക്ടർ അറിയിച്ചു. അപേക്ഷകൾ നവംബർ 15ന് മുൻപായി മത്സ്യഭവനുകളിൽ സമർപ്പിക്കണം. കൂടുതൽ വിവരങ്ങൾക്ക് 0471 2450773