നിക്ഷേപ തട്ടിപ്പ് : വസ്തു കണ്ടുകെട്ടും

ബഡ്‌സ് നിയമവ്യവസ്ഥ മറികടന്ന് നിക്ഷേപങ്ങള്‍സ്വീകരിക്കുകയും ആവശ്യപ്പെട്ടിട്ട് തിരികെ നല്‍കാതിരിക്കുകയും ചെയ്ത കേരള ഹൗസിങ് ഫിനാന്‍സ് ലിമിറ്റഡ്, ഇതരഭാരവാഹികള്‍ എന്നിവരുടെ സ്ഥാവരജംഗമ വസ്തുക്കള്‍ താത്കാലികമായി കണ്ടുകെട്ടാന്‍ ജില്ലാ കലക്ടര്‍ ഉത്തരവിട്ടു. പ്രതികളുടെയെല്ലാം സ്വത്ത് കണ്ടുകെട്ടുന്നതിന് ബന്ധപ്പെട്ട തഹസില്‍ദാര്‍മാരെ ചുമതലപ്പെടുത്തി. സ്വത്ത് വില്പന തടയുന്നതിന് വിവരങ്ങളുടെ പട്ടിക ജില്ലാ രജിസ്ട്രാര്‍ക്ക് ലഭ്യമാക്കും.  

തട്ടിപ്പ്‌കേസുകളുടെ തത്സ്ഥിതി ജില്ലാ പൊലിസ് മേധാവികളാണ് കൈമാറേണ്ടത്. പ്രതികളുടെ ഉടമസ്ഥതതയിലുള്ള വാഹനങ്ങളുടെ വിവരം ആര്‍ ടി ഒ പൊലിസ് മേധാവിക്ക് കൈമാറണം. ബാങ്ക് അകൗണ്ട് വിവരങ്ങള്‍ക്ക് ലീഡ് ബാങ്ക് മാനേജരെ ചുമതലപ്പെടുത്തി. എല്ലാ ദേശസാത്കൃത/ഷെഡ്യൂള്‍ഡ് ബാങ്കുകളുടെ മേധാവികള്‍ക്കും വിവരം കൈമാറാനും നിര്‍ദേശിച്ചു.