വനിതാരത്‌ന പുരസ്‌കാരത്തിന് നോമിനേഷനുകള്‍ ക്ഷണിച്ചു

വിവിധ മേഖലകളില്‍ പ്രാവീണ്യം തെളിയിച്ച വനിതകളെ ആദരിക്കുന്നതിന് 2023-ലെ വനിതാരത്‌ന പുരസ്‌കാരത്തിന് നോമിനേഷനുകള്‍ ക്ഷണിച്ചു. അര്‍ഹരായ വ്യക്തികളെ സംഘടനകള്‍ /സ്ഥാപനങ്ങള്‍/മറ്റ് വ്യക്തികള്‍ എന്നിവര്‍ക്ക് നോമിനേറ്റ് ചെയ്യാം. നോമിനേഷന്‍ ഫെബ്രുവരി അഞ്ചിനുള്ളില്‍ ജില്ലാ വനിതാ ശിശു വികസന ഓഫീസര്‍ക്ക് ലഭ്യമാക്കണം.

സാമൂഹ്യ സേവനം, കായികരംഗം എന്നീ മേഖലകള്‍, പ്രതികൂല സാഹചര്യങ്ങളെ അതിജീവിച്ച് ജീവിത വിജയം നേടിയ വനിത, സ്തീകളുടെയും കുട്ടികളുടെയും ശാക്തീകരണം, വിദ്യാഭ്യാസ മേഖലയിലും ശാസ്ത്ര സാങ്കേതിക മേഖലയിലും വ്യക്തിമുദ്ര പതിപ്പിച്ച വനിത എന്നിങ്ങനെയുള്ള മേഖലകളില്‍ പ്രാഗത്ഭ്യം തെളിയിച്ച വനിതകളെയാണ് അവാര്‍ഡിന് പരിഗണിക്കുക. ഫോണ്‍ : 0474 2992809.