നിയമസഭാ ലൈബ്രറി റഫറൻസ് ഹാളിൽ പുസ്തക പ്രദർശനം

നവംബർ ഒന്നു മുതൽ ഏഴുവരെയുള്ള പ്രവൃത്തിദിനങ്ങളിൽ നിയമസഭാ ലൈബ്രറി റഫറൻസ് ഹാളിൽ പുസ്തകപ്രദർശനം നടക്കും. 2024-ലെ മലയാളദിനാഘോഷത്തിന്റേയും ഭരണഭാഷാ വാരാഘോഷത്തിന്റേയും ഭാഗമായാണ് പ്രദർശനം നടക്കുന്നത്. ഔദ്യോഗിക ഭാഷയുമായി ബന്ധപ്പെട്ട പുസ്തകങ്ങളും കേരള സർക്കാരിന്റെ പരമോന്നത സാഹിത്യപുരസ്കാരമായ എഴുത്തച്ഛൻ പുരസ്കാരം ലഭിച്ച എഴുത്തുകാരുടെ പുസ്തകങ്ങളും പ്രദർശനത്തിൽ ഉൾപ്പെടുത്തും. പുസ്തകപ്രദർശനം നവംബർ ഒന്നിന് രാവിലെ 11.10ന് നിയമസഭാ സെക്രട്ടറി ഡോ.എൻ. കൃഷ്ണകുമാർ ഉദ്ഘാടനം ചെയ്യും.

പി.എൻ.എക്‌സ്. 4877/2024