ഇടുക്കി സിവിൽ സ്റ്റേഷനിൽ ഗതാഗത ക്രമീകരണം ഏർപ്പെടുത്തി

ഇടുക്കി സിവിൽ സ്റ്റേഷനിലേക്കുള്ള വാഹനങ്ങൾ ഇലക്ഷൻ വിഭാഗം കെട്ടിടത്തിന് സമീപം സ്ഥാപിച്ചിട്ടുള്ള ഗേറ്റ് (ഗേറ്റ് നമ്പർ- 1) ലൂടെ പ്രവേശിക്കുന്നതിനും, സിവിൽ സ്റ്റേഷൻ മെയിൽ ഗേറ്റ് (ഗേറ്റ് നമ്പർ- 2) വാഹനങ്ങൾപുറത്തേക്ക് പോകുന്നതിനും മാത്രമായി ഗതാഗതം വൺവേ സംവിധാനത്തിൽ ക്രമീകരിച്ചുകൊണ്ട് ജില്ലാ കളക്ടർ വി വിഘ്നേശ്വരി ഉത്തരവിട്ടു. ഗതാഗത ക്രമീകരണങ്ങൾ സംബന്ധിച്ച ദിശാസൂചകങ്ങളും ബോർഡുകളും സ്ഥാപിയ്ക്കുന്നതിലേക്കായി ഹുസൂർ ശിരസ്തദാർ നെയും, ഗതാഗത ക്രമീകരങ്ങൾ ഉടൻ പ്രാബല്യത്തിൽ വരുത്തുന്നതിന് സർജൻ്റിനേയും പോലീസ് ഉദ്യോഗസ്ഥരെയും ചുമതലപ്പെടുത്തി.