മാരാരിക്കുളം തെക്ക്  പഞ്ചായത്ത് കുടിവെള്ള പദ്ധതി:  മന്ത്രി റോഷി അഗസ്റ്റിൻ ഇന്ന് (3)  ഉദ്ഘാടനം നിർവഹിക്കും

മാരാരിക്കുളം തെക്ക്  ഗ്രാമ പഞ്ചായത്തിലെ കാട്ടൂരിൽ 6.22 കോടി രൂപ മുടക്കി നിർമ്മിച്ച ഉന്നതതല  വാട്ടർ ടാങ്കിൻ്റെ ഉദ്ഘാടനവും 38.26 കോടിയുടെ കുടിവെള്ള വിതരണ ശൃംഖലയുടെ നിർമ്മാണ ഉദ്ഘാടനവും
ഇന്ന് ( 3) ജലവിഭവ വകുപ്പ് മന്ത്രി റോഷി അഗസ്റ്റിൻ  വൈകിട്ട് 5.30 ന് നിർവഹിക്കും.

പി പി ചിത്തരഞ്ജൻ എം എൽ എ അധ്യക്ഷനാകും.   ജില്ലാ പഞ്ചായത്ത് പ്രസിഡൻ്റ് കെ ജി രാജേശ്വരി, ജില്ലാ കളക്ടർ  അലക്സ് വർഗീസ്, ബ്ലോക്ക് പഞ്ചായത്ത് പ്രസിഡൻ്റ് കെ ഡി മഹീന്ദ്രൻ, ഗ്രാമ പഞ്ചായത്ത് പ്രസിഡൻ്റ് പിപി സംഗീത, ജല അതോറിറ്റി ബോർഡ് അംഗംആർ സുഭാഷ് തുടങ്ങിയവർ പങ്കെടുക്കും.