മരട് നഗരസഭയിൽ നവീകരിച്ച പാലിയേറ്റിവ് ഓഫീസ് പ്രവർത്തനം ആരംഭിച്ചു

മരട് നഗരസഭയിൽ പാലിയേറ്റീവിനായി നെട്ടൂർ ഫാമിലി ഹെൽത്ത് സെൻ്ററിൽ സജ്ജീകരിച്ച പുതിയ ഓഫീസ് പ്രവർത്തനം ആരംഭിച്ചു. ഓഫീസിൻ്റെ ഉദ്ഘാടനം നഗരസഭാ ചെയർമാൻ ആൻ്റണി ആശാംപറമ്പിൽ നിർവ്വഹിച്ചു. 

പാലിയേറ്റീവ് അനുബന്ധ പ്രവർത്തനങ്ങൾക്ക് വരും വർഷത്തിലും കൂടുതൽ പദ്ധതികൾ നടപ്പിലാക്കുമെന്ന് നഗരസഭാ ചെയർമാൻ പറഞ്ഞു.

മരട് നഗരസഭയുടെ കീഴിൽ നെട്ടൂർ ഫാമിലി ഹെൽത്ത് സെൻ്റർ, വളന്തകാട് പ്രൈമറി ഹെൽത്ത് സെന്റർ എന്നിവയുടെ നേതൃത്വത്തിലാണ് പാലിയേറ്റീവ് യൂണിറ്റ് നടത്തി വരുന്നത്. 

നഗരസഭ വൈസ് ചെയർ പേഴ്സൺ അഡ്വ. രശ്മി സനിൽ ചടങ്ങിൽ അധ്യക്ഷത വഹിച്ചു. സ്റ്റാൻ്റിംഗ് കമ്മിറ്റി ചെയർമാന്മാരായ റിനി തോമസ്, റിയാസ് കെ.മുഹമ്മദ്, ബിനോയ് ജോസഫ്,കൗൺസിലർമാരായ സി.ആർ.ഷാനവാസ്, ബെൻഷാദ് നടുവിലവീട്, ചന്ദ്രകലാധരൻ, അജിത നന്ദകുമാർ, ടി.എം. അബ്ബാസ്, സിബി സേവ്യർ, മോളി ഡെന്നി, ദിഷ പ്രതാപൻ, ജയ ജോസഫ്, ഇ.പി. ബിന്ദു, ശാലിനി അനിൽ രാജ്, മെഡിക്കൽ ഓഫീസർമാരായ ഡോ.ശ്രീകുമാരി , ഡോ. സൗമ്യ, പാലിയേറ്റീവ് സിസ്റ്റർമാരായ പ്രിയ,ജ്യോതി തുടങ്ങിയവർ സംസാരിച്ചു.