ഭിന്നശേഷി ഉദ്യോഗാർത്ഥികൾക്ക് അവസരം

തിരുവനന്തപുരം എയ്ഡഡ് സ്‌കൂളിൽ യു.പി സ്‌കൂൾ ടീച്ചർ വിഭാഗത്തിൽ ഭിന്നശേഷി ഉദ്യോഗാർഥിക്കായി (കാഴ്ചപരിമിതി - 1, ശ്രവണ വൈകല്യം - 1) സംവരണം ചെയ്ത തസ്തികയിൽ രണ്ട് ഒഴിവുകളുണ്ട്. യോഗ്യത പത്താം ക്ലാസ് പാസായിരിക്കണം, ടി.ടി.സി, ഡി.എഡ് അല്ലെങ്കിൽ ഏതെങ്കിലും ഒരു വിഷയത്തിൽ ബിരുദവും ബി.എഡും. യോഗ്യത പരീക്ഷ പാസായിരിക്കണം അല്ലെങ്കിൽ തത്തുല്യം. പ്രായപരിധി 18-40 (ഭിന്നശേഷിക്കാർക്ക് നിയമാനുസൃതമായ വയസിളവുണ്ട്). നിശ്ചിത യോഗ്യതയുള്ള ഉദ്യോഗാർഥികൾ അസൽ സർട്ടിഫിക്കറ്റുകളുമായി അതാത് എംപ്ലോയ്‌മെന്റ് എക്സ്ചേഞ്ചുകളിൽ മാർച്ച് 18 ന് മുമ്പായി പേര് രജിസ്റ്റർ ചെയ്യണം.

പി.എൻ.എക്സ് 1083/2025