കിക്മ എം.ബി.എ. അഭിമുഖം

സഹകരണ വകുപ്പിന് കീഴിലുള്ള സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോപറേറ്റീവ് മാനേജ്‌മെന്റിൽ( കിക്മ ) എം.ബി.എ ബാച്ചിലേക്കുള്ള പ്രവേശനത്തിനുള്ള അഭിമുഖം മാർച്ച് 22 ശനിയാഴ്ച രാവിലെ 10 മുതൽ കിക്മ കോളേജ് ക്യാമ്പസിൽ വച്ച് നടക്കും.
കേരള സർവകലാശാലയുടെയും എ.ഐ.സി.ടി.യുടെയും അംഗീകാരത്തോടെ നടത്തുന്ന ദ്വിവൽസര കോഴ്‌സിൽ ലോജിസ്റ്റിക്‌സ് ,ബിസിനസ് അനലിറ്റിക്സ്, ഫിനാൻസ്, മാർക്കറ്റിംഗ്, ഹ്യൂമൻ റിസോഴ്‌സ് എന്നിവയിൽ സ്‌പെഷ്യലൈസേഷൻ അവസരമുണ്ട്. സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും, ഫിഷറീസ് സ്‌കോളർഷിപ്പിന് അർഹതയുളള വിദ്യാർഥികൾക്കും പ്രത്യേക സീറ്റ് സംവരണം ഉണ്ട്. എസ്.സി./എസ്.ടി വിദ്യാർത്ഥികൾക്ക് ഫീസ് ആനുകൂല്യവും ലഭിക്കും.യോഗ്യത : 50 ശതമാനം മാർക്കിൽ കുറയാതെയുള്ള ബിരുദം. കെ-മാറ്റ്/സി-മാറ്റ്/ക്യാറ്റ് പ്രവേശന പരീക്ഷകൾക്ക് തയ്യാറെടുക്കുന്നവർക്കും അഡ്മിഷനിൽ പങ്കെടുക്കാം. വിശദവിവരങ്ങൾ  8547618290/9447002106 എന്നീ ഫോൺ നമ്പരുകളിലും www.kisma.ac.in എന്ന വെബ്‌സൈറ്റിലും ലഭിക്കും.