ഗ്രന്ഥശാലകള്‍ക്ക് ഉപകരണങ്ങള്‍ വിതരണംചെയ്തു

ചവറ ബ്ലോക്ക് പഞ്ചായത്തിലെ ഗ്രന്ഥശാലകള്‍ക്ക് 2024-25 വാര്‍ഷിക പദ്ധതിയില്‍ ഉള്‍പ്പെടുത്തി ഉപകരണങ്ങള്‍ വിതരണംചെയ്തു. ബ്ലോക്ക് പഞ്ചായത്ത് ഹാളില്‍ പ്രസിഡന്റ് സന്തോഷ് തുപ്പാശ്ശേരി ഉദ്ഘാടനം ചെയ്തു. വൈസ് പ്രസിഡന്റ് സോഫിയ സലാം, സ്ഥിരം സമിതി അധ്യക്ഷന്‍ പ്രസന്നന്‍ ഉണ്ണിത്താന്‍, മറ്റു ജനപ്രതിനിധികള്‍ തുടങ്ങിയവര്‍ പങ്കെടുത്തു. 3,90,000 രൂപ ചെലവിട്ടാണ് 12 ഗ്രന്ഥശാലകള്‍ക്ക് ഉപകരണങ്ങള്‍ നല്‍കിയത്.